„63 ქვეყანას შორის, საქართველოს ეკონომიკა, ყველაზერ დაუძლურებული და მოწყვლადია“- აღნიშნულის შესახებ ფრაქცია „ერთიანი ნაციონალური მოძრაობის“ თავმჯდომარე რომან გოცირიძემ ისაუბრა.

„საქართველოს ეკონომიკა, რომ ძალიან ცუდ მდგომარეობასია, ამას ევროპის საერთაშორისო სარეიტინგო სააგენტოს მიერ ჩატარებული კვლევები ადასტურებს. ეკონომიკა იმდენად დასუსტდა ამ 8 წელში, რომ კორონა ვირუსის კრიზისმა ყველაზე მძიმე დარტყმა მოგვაყენა.

2019 წლის მონაცემებით, საქართველო, ერთ-ერთი ყველაზე მოშიმშილე ქვეყანაა. შიმშილის ინდექსის მიხედვით, ჩვენ რეგიონში ყველაზე რთულ მდგომარეობაში ვართ. ყველაზე მეტად ჩვენი თანამოქალაქეები შიმშილობენ. ესაა სახელმწიფო, სადაც კერძო ბიზნესი კვდება. 2015 წელთან შედარებით, კერზო ბიზნესში სამუსაო ადგილები 53 ათასით შემცირდა. თუმცა სტატისტიკის მიხედვით უმუშევრობის გაზრდა არ ჩანს, რადგან თქვენ 100 ათასით გაზარდეთ საბიუჯეტო ორგანიზაციებში დასაქმებულთა ადგილები, სადაც ძირითადად თქვენ აქტივისტებსა და მხარდამჭერებს ვხედავთ.“ - თქვა გოცირიძემ.