კასპის მუნიციპალიტეტიდან ხელფასებისთვის განკუთვნილი თანხა გაქრა. ამის შესახებ ინფორმაციას "მთავარი არხი" ავრცელებს.

მომხდარს მუნიციპალიტეტის მერიის თანამშრომლები ადასტურებენ. მათი თქმით, ხელფასები 22 მაისამდე უნდა ჩარიცხულიყო, თუმცა ეს არ მოხდა.

მერიის საფინანსო საბიუჯეტო ორგანიზაციაში, ხელმძღვანელი პირები ჟურნალისტების კითხვებმა გააღიზიანა, თუმცა კასპის მუნიციპალიტეტის პირველი პირი, თამაზ თათანაშვილი ადასტურებს, რომ თანამშრომლებს ხელფასები მართლაც არ დარიცხვიათ, თუმცა მიზეზებზე არ საუბრობს.

"ნაციონალური მოძრაობის" რაიონული ორგანიზაციის თავმჯდომარის თქმით, აუცილებელია საქმით საგამოძიებო ორგანოები დაინტერესდნენ.

"ეს თანხა სხვა საქმიანობაში გადაქაჩეს და არ ისტუმრებენ იმ ვალდებულებებს, რასაც ქვია ხელფასების გადახდა. გარდაუვალია, კასპის ბიუჯეტში წლის ბოლოს სეკვესტრი მოხდება, მოვუწოდებ ხელმძღვანელობას წარმოადგინოს ადგილობრივი ბიუჯეტი და მოხდეს კორექტირება, ამ ბიუჯეტით წლის ბიოლომდე ვერ მივალთ" - განაცხადა ნუგზარ ნონიაშვილმა.