"ოცნების" წევრი, ირაკლი კობახიძე ამბობს, რომ თუ ოპოზიცია საარჩევნო სისტემის შეცვლას მხარს არ დაუჭერს, შესაძლოა ცუდიც არ იყოს, რადგან მისი განმარტებით, არსებული სისტემით პარლამენტში უფრო ნაკლებად იქნებიან წარმოდგენილები.

კობახიძის თქმით, , საკონსტიტუციო ცვლილებებს, მმართველი პარტიის მხრიდან სრული მხარდაჭერა ექნება და ცვლილელები ნაციონალური მოძრაობისა და ევროპული საქართველოს წევრების მხარდაჭერის გარეშეც შეიძლება გავიდეს.

"ამ ორი პარტიის ხმების გარეშეც შეიძლება გავიდეს და მაღალი ალბათობით გავა საკონსტიტუციო ცვლილებები და ჩვენ ამის დიდი იმედი გვაქვს. თუ არ გავა, ესეც არ არის დიდი პრობლემა, ამ შემთხვევაში შენარჩუნდება ის საარჩევნო სისტემა, რომელიც ზუსტად ამ ორმა პარტიამ დაუტოვა ქვეყანას სახსოვრად. ჩვენ დიდი იმედი გვაქვს, რომ ეს სისტემა შეიცვლება, თუ არ შეიცვლება ამ შემთხვევაში კიდევ უფრო მეტი ზიანი მიადგება სწორედ ამ ორ პარტიას. იმიტომ, რომ თუ ჰქონდათ ცოტა მეტი წარმომადგენლობის უზრუნველყოფის შანსი ახალი —120/30-ზე სისტემით, ძველი სისტემით — 77/73-ზე, კიდევ უფრო ნაკლებად იქნება წარმოდგენილი ეს ორი პარტია პარლამენტში და შეიძლება ცუდი არც იყოს", - დასძინა კობახიძემ.