რუსეთის მორიგი აგრესიული განცხადება - მოსკოვი საქართველოსგან ამჯერად ლუგარის ლაბორატორიის ყველა დოკუმენტაციაზე წვდომას ითხოვს

პოლიტიკა - 12:13, 28 May, 2020

560

რუსეთი კვლავ აგრძელებს საქართველოს წინააღმდეგ პროვოკაციული, დეზინფორმაციული და აგრესიული ხასიათის განცხადებების კეთებას. ქვეყანა, რომელიც თავად არის დიდ ბრიტანეთში "ნოვიჩოკის" გამოყენების გამო მსოფლიოს საზოგადოების მიერ სანქცირებული, კვლავ უსაფუძვლოდ აცხადებს, რომ ლუგარის ლაბორატორიაში ბიოლოგიური იარაღის შექმნაზე მიდის მუშაობა.

აღსანიშნავია, ისიც, რომ საქართველოს საგარეო საქმეთა სამინისტროს განცხადების საპასუხოდ რუსეთი ითხოვს და აცხადებს, რომ "მზად არის ამ საკითხზე თბილისთან ორმხრივი ურთიერთობის საფუძველზე ითანამშრომლოს.

განცხადებაში აღნიშნულია, რომ ბიოლაბორატორიაში კვლევები ძირითადად აშშ-ისა და მისი პარტნიორების მიერ ფინანსდება.

რუსეთის საგარეო უწყება მიესალმება იმ ფაქტს, რომ ქართული მხარე მზად არის, რომ მოაწყონ ვიზიტი რუსი ექსპერტების მიერ, BTWC–ს მიერ დადგენილი მექანიზმის შესაბამისად. ამასთან, აცხადებს, რომ კონვენციის თანახმად ერთადერთი ინსტრუმენტი არის მონაწილე სახელმწიფოების ვალდებულება, რომ ”იკონსულტაციონ და ითანამშრომლონ ერთმანეთთან ყველა საკითხის მოგვარებაში, რომელიც შეიძლება წარმოიშვას მიზანსთან დაკავშირებით ან BTWC დებულებების შესრულებასთან დაკავშირებით” (მუხლი V).

"ალექსეიევსკაში ბიოპროექტიზე ვიზიტების ორგანიზების მიზანშეწონილობას ჩვენ ვხედავთ, მხოლოდ რუსი ექსპერტების მიერ, მხოლოდ ყველა ლაბორატორიული შენობის (მათ შორის, ამერიკელი სპეციალისტების მიერ დაკავებული შენობების) და აგრეთვე ნებისმიერ დოკუმენტაციაზე დაშვების გარანტიების უზრუნველსაყოფას. ეს არის ის ფორმა, რომელიც რეალური გადამოწმების საშუალებას მოგვცემს. ჩვენ არ მივიღებთ მონაწილეობას PR კამპანიაში, რომლის მიზანიცაა დამალოს აშშ–ის სამხედრო უწყების ბიოლოგების მიერ რუსეთის საზღვრებთან ახლოს განხორციელებული სამუშაოს ნამდვილი მიმართულება," - ნათქვამია განცხადებაში.

რუსეთი ქართული მხარისგან ასევე ელოდება 2019 წლის ივნისის ნოტთან დაკავშირებელ ოფიციალურ რეაგირებას.