აჭარის მთავრობის სახლის წინ აქცია მიმდინარეობს. მსვლელობის მონაწილეები ხულიგნობის ბრალდებით დაკავებული რეზო წულუკიძისა და ელდარ ანთაძის გათავისუფლებას მოითხოვენ.

ცნობილია, რომ აქციის მონაწილეთაგან რამდენიმე აჭარის მთავრობის წარმომადგენელსაც შეხვდა და დაკავებული პირებისთვის საპროცესო შეთანხმების გაფორმება მოითხოვა. თუმცა მოლაპარაკებებიდან გამოსული ამბობენ, რომ შეხვედრამ უშედეგოდ ჩაიარა.

აქციის ორგანიზატორები ამბობენ, რომ რეზო წულუკიძისა და ელდარ ანთაძის დაკავება პოლიტიკური ნიშნით მოხდა. ხელისუფლებამ მათ წინასაარჩევნოდ თანამშრომლობა სთხოვა, რაზეც უარი თქვეს და ამიტომაც დაკავეს.