10 ნოემბერს საქართველოს მართლმადიდებლური ეკლესია კირიონ მეორის ხსენების დღეს აღნიშნავს. 1917 წლის 12 მარტს, ქართულმა სამღვდელოებამ კირიონ II კათალიკოს-პატრიარქად აირჩია.

კირიონ II (ერისკაცობაში - გიორგი იერონიმეს ძე საძაგლიშვილი) 1855 წლის 10 ნოემბერს გორის მაზრაში, ქვემო ნიქოზში დაიბადა. კირიონი იყო სრულიად საქართველოს პირველი კათალიკოს-პატრიარქი ავტოკეფალიის აღდგენის შემდეგ, 1917-1918 წლებში, ქართველი ისტორიკოსი, სასულიერო და საზოგადო მოღვაწე. შერაცხულია წმინდანად საქართველოს მართლმადიდებელი სამოციქულო ეკლესიის მიერ 2002 წელს.

კირიონ II აქტიურად იბრძოდა ქართული ეკლესიის ავტოკეფალიის აღდგენისთვის, რის გამოს იდევნებოდა რუსი ჩინოვნიკების მხრიდან. 1902 წელს იგი დაითხოვეს გორის ეკლესიიდან, აუკრძალეს სამშობლოში მოღვაწეობა და გადაიყვანეს კამენეც-პოდოლსკის ეპარქიაში, შემდაგ პოჟაისკის მონასტრში, ხერსონის ეპარქიაში, ბოლოს პოლოცკისა და ვიტებსკის ეპისკოპოსად.

კირიონ II მარტყოფის საპატრიარქო რეზიდენციაში 1918 წლის ივლისში ვერაგულად მოკლეს. კირიონ II-ის ფონდი არქივში 1923 წელს არის მიღებული. მასში დაცულია 217 საქმე, რომელიც მოიცავს XVI-XIX საუკუნეების მასალას.

ფონდშია: ხელნაწერი და ნაბეჭდი შრომები, ისტორიული ნარკვევები, პატრიარქის მიერ შეკრებილი მასალა ქართულ, პოლონურ, ლიტვურ, რუსულ ენებზე.