„დიპლომატიური შეცდომა სტრატეგიულ მოკავშირესთან“ - ოპოზიცია უკაინის ელჩის დაბარებას სხვა ქვეყნის საქმეებში ჩარევად აფასებს

პოლიტიკა - 16:01, 25 May, 2020

1078

დიპლომატიურ შეცდომად და სხვა ქვეყნის შიდა საქმეებში ჩარევად აფასებს ოპოზიცია უკრაინაში საქართველოს ელჩთან საგარეო უწყებაში გამართულ კონსულტაციებს, რომელიც უკრაინაში მიხეილ სააკაშვილის რეფორმების აღმასრულებელი კომიტეტის ხელმძღვანელად დანიშვნას მოჰყვა.

"ეს იყო უხეში დიპლომატიური შეცდომა ჩვენს სტრატეგიულ მოკავშირესთან ურთიერთობების დაძაბვა მათი სუვერენული გადაწყვეტილების გამო, კონკრეტულ თანამდებობაზე ვის დანიშნავდა და ვის არა. ამით დაზიანდა ჩვენი ორმხრივი ურთიერთობები," - განაცხადა ფრაქცია „ნაცინალური მოძრაობის“ წევრმა სალომე სამადაშვილმა.

ფრაქცია "ევროპული საქართველო - რეგიონების” წევრი სერგი კაპანაძე აცხადებს, რომ სხვა ქვეყნის შიდა საქმეებში ჩარევას, უმჯობესი იქნება თუ ქვეყანა სტრატეგიულ პარტნიორებთან ურთიერთობას მიხედავს.

"ყველაზე სწორი დამოკიდებულება იქნება დავანებოთ სხვა ქვეყნის შიდა საქმეებში ჩარევას თავი, მივხედოთ ჩვენს ორმხრივ სტრატეგიულ პარტნიორობას ევროკავშირთან, ნატოსთან ურთიერთობებს და ზოგადად საერთო მტრის წინააღმდეგ გაერთიანებას, რომელიც არის რუსეთის ფედერაცია და არა შიდა საქმეებში ჩარევას და განცხადებებს და კომენტარების კეთებაზე იმაზე, რა იქნებოდა უმჯობესი, ვინ დაინიშნა და ვინ არა,“ - განაცხადა სერგი კაპანაძემ.