უკრაინაში საქართველოს ელჩი, თეიმურაზ შარაშენიძე ორკვირიანი კარანტინის დასრულების შემდეგ საგარეო საქმეთა სამინისტროში კონსულტაციებისთვის მივიდა.

მან ჟურნალისტებთან კომენტარი გააკეთა და განაცხადა, რომ ის არ იზიარებს კრიტიკას, საელჩოს ცუდად მუშაობის შესახებ.

"გვქონდა კომუნიკაცია უკრაინის უმაღლეს დონეზე. მოგახსენეთ, რომ გადავეცით საპროტესტო ნოტა, პროტესტის ფორმად არჩეულ იქნა ელჩის გამოწვევა კონსულტაციებზე. ჩამოვედი და დღეს ვიწყებთ ამ კონსულტაციებს", -აღნიშნა შარაშენიძემ.

შეგახსენებთ, საქართველოს მთავრობამ უკრაინიდან კონსულტაციებისთვის ელჩოს გამოწვევა მას შემდეგ გადაწყვიტა, რაც პრეზიდენტ ვოლოდიმირ ზელენსკიმ საქართველოს ყოფილი პრეზიდენტი, მიხეილ სააკაშვილის რეფორმების საბჭოს ხელმძღვანელად დანიშნა.