პარლამენტში წარმართულმა პროცესმა კიდევ ერთხელ ამხილა ოლიგარქის ავტოკრატიულ-დიქტატორული მისწრაფებები და მისი კრიმინალური ხელისუფლების დამარცხებით გამოწვეული აგონიური შიშები

პარლამენტში წარმართულმა პროცესმა კიდევ ერთხელ ამხილა ოლიგარქის ავტოკრატიულ-დიქტატორული მისწრაფებები და მისი კრიმინალური ხელისუფლების დამარცხებით გამოწვეული აგონიური შიშები - ირაკლი ღლონტი

პოლიტიკა - 21:52, 21 May, 2020

723

პარტია ,,კანონი და სამართალის’’ გენერალური მდივანი ირაკლი ღლონტი დღევანდელ საპარლამენტო პროცესს ოლიგარქის ავტორიტარულ-დიქტატორული მისწრაფებების მორიგ ლუსტრაციას და მარცხის შიშით გამოწვეულ აგონიას უწოდებს.
,, მსოფლიო პანდემიის პირობებში მთავარ სამიზნეს უნდა წარმოადგენდეს ჩვენი მოსახლეობის სიცოცხლის და ჯანმრთელობის დაცვა, თუმცა ამ პოზიტიურ თეორიას არავითარი კავშირი არ აქვს პარლამენტში დღეს წარმართულ პროცესთან, რომელმაც კიდევ ერთხელ ამხილა ოლიგარქის ავტოკრატიულ-დიქტატორული მისწრაფებები და მისი კრიმინალური ხელისუფლების დამარცხებით გამოწვეული აგონიური შიშები. აშკარაა, რომ ავტორიტარულ-დიქტატორულ საწყისებზე მდგარი ხელისუფლება უკვე აღარ ერიდება, როგორც საკუთარი მოსახლეობის ისე ქვეყნის მთავარი პარტნიორების კრიტიკულ განწყობებს, ამაზე მიუთითებს 23 აპრილს ასევე დიქტატორული მოტივაციით ფორსირებულ რეჟიმში განხორციელებული ,,დრაკონული’’ ცვლილება, რომლითაც საგანგებო რეჟიმის დარღვევის საფუძვლით პირისთვის 6 წლამდე ვადით თავისუფლება აღკვეთა - პატიმრობა იქნა დაკანონებული და დღეს ისინი ახდენენ პარლამენტის უფლებამოსილებას განკუთვნილი საკითხის მთავრობისადმი დაქვემდებარებას, რომ ამ გზით ვიწრო პარტიული ინტერესებით ნაკარნახევი საჭიროების შემთხვევაში საპარლამენტო პროცესის გვერდის ავლით ჩვენს მოსახლეობას დაუწესონ შეზღუდვები და ხელყონ ჩვენი მოქალაქეების უმნიშვნელოვანესი კონსტიტუციური უფლებები. აშკარაა, რომ ოლიგარქის და მისი ,,ხუშტურების’’ მსახურებაში მდგარი გახარია და მარიონეტული საპარლამენტო უმრავლესობა ამკვიდრებს საშიშ პრეცედენტებს, ისინი გარდა იმისა, რომ 8 წლის მანძილზე მიზანმიმართულად ანადგურებენ ინსტიტუციებს, აღარიბებენ მოსახლეობას, დაამკვიდრეს კორუციულ-კლანური სისტემა, უმწვავესი დარტყმები მიაყენეს ჩვენი ხალხის საგარეო არჩევანს და 2012 წლიდან დღემდე ემიგრაციაში გახიზნეს 900 000 -მდე მოქალაქე, დღემდე აგრძელებენ ქართული სახელმწიფოს წინააღმდეგ კრემლის მიერ დაგეგმილი ბინძური პოლიტიკის გატარებას, რაც თავისუფალი ქართველი ხალხის ძალისხმევით უნდა დასრულდეს მოახლოებულ არჩევნებში’’ - განაცხადა ღლონტმა.

ცნობისთვის, პარლამენტმა პირველი მოსმენით, გარკვეული დათქმით მხარი უკვე დაუჭირა ცვლილებების პაკეტს, რომლითაც მთავრობას შემზღუდავი ღონისძიებების გატარება საგანგებო მდგომარეობის გარეშეც შეეძლება.