დღეს იყო კიდევ ერთი ჩვენი გამარჯვება, "ქართულ ოცნებას" არ გავატანინეთ ის, რაც საქართველოს დემოკარტიას უკან დახევდა

დღეს იყო კიდევ ერთი ჩვენი გამარჯვება, "ქართულ ოცნებას" არ გავატანინეთ ის, რაც საქართველოს დემოკარტიას უკან დახევდა - რომან გოცირიძე

პოლიტიკა - 21:07, 21 May, 2020

772

დღეს იყო კიდევ ერთი ჩვენი გამარჯვება. "ქართულ ოცნებას" არ გავატანინეთ ის, რაც საქართველოს დემოკარტიას უკან დახევდა - ამის შესახებ ფრაქცია "ნაციონალური მოძრაობის" თავმჯდომარე რომან გოცირიძემ ჟურნალისტებთან საუბრისას განაცხადა.

გოცირიძის თქმით, ხელისუფლებამ უკან ოპოზიციისა და არასამთავრობო სექტორის აქტიურობის შედეგად დაიხია.
ირაკლი კობახიძის ინიციატივით ახალი შეზღუდვები დროებითი, 15 ივლისამდე იქნება.
"მიხვდნენ, რომ ეს იყო ანტიკონსტიტუციური კანონი, რომელსაც მოჰყვებოდა სერიოზული სამართლებრივი და პოლიტიკური შედეგები. ეს ძალიან მძიმედ დაუჯდებოდა მთავრობას. შეიძლება, ის მთავრობისთვის უნდობლობის გამოცხადების საბაბი ყოფილიყი. ასე ვთქვათ, სახის შენარჩუნების მიზნით გამოაცხადეს, რომ ეს კანონი იმუშავებს დაახლოებით, ერთი თვე. იქნება გარდამავალ დებულებაში ჩაწერილი ის ანტიკონსტიტუციური ნორმები, რომლის მიღებასაც ჩვენ ახლა, ვეწინააღმდეგებოდით და ერთი თვის გასვლის შემდეგ, მთელი ეს ისტორია მორჩება. აი, ეს არის შედეგი ერთობლივი ძალისხმევის. ამას მართლაც ჰქვია "ძალა ერთობაშია". დღეს ერთობაში ვიყავით როგორც ჩვენი არასამთავრობო ორგანიზაციები, ისე ყველა ოპოზიციური პარტია. ვერავითარი არგუმენტი ვერ დაგვიპირისპირეს პარლამენტში დღეს დებატებისას. აღიარეს, რომ დამარცხდნენ. პარლამენტის ბიურის წევრებს "ქართული ოცნებიდან" შევახსენებ გუშინდელ თავდასხმას ჩემზე პარლამენტის ბიუროზე. ასე რიხით, რომ ლაპარაკობდნენ, ეს არის შეუვალი კანონი და მე ვიყავი არასწორი, ასევე რიხით საუბრობდნენ, იმის თაობაზე, რომ თურმე ესენი პილიტპატიმრები კი არ არიან, კრიმინალები არიან, ამ დროს მეორე დღეს მოუწიათ მათი შეწყალება. ასეა, ნუ იტყვი ჰოპლას, სანამ არ გადახტები. დღეს იყო კიდევ ერთი ჩვენი გამარჯვება. "ქართულ ოცნებას" არ გავატანინეთ ის, რაც საქართველოს დემოკარტიას უკან დახევდა დიდ რეპრესიულ ბერკეტს მისცემდა ხელისუფლებას წინასაარჩევნო პერიოდში", - განაცხადა გოცირიძემ.