წარმოშობით კანადელი ფოტოგრაფი გასტონ ლაკომბე ბოლო წლების განმავლობაში, მსოფლიოს გარშემო მოგზაურობდა და სხვადასხვა ზოოპარკების ბინადართა ცხოვრებას ასახავდა.

ფოტოპროექტში დაცულია ზოოპარკების ანონიმურობა, რადგან გასტონს არ სურდა მისი სესიით, რომელიმე მათგანი გაეკრიტიკებინა.

პროექტს „ტყვეობა“ ეწოდება. მის ფარგლებში ფოტოგრაფი 5 კონტინენტის 9 ქვეყანას ესტუმრა და ერთადერთი, რისი დანახვაც შეძლო ისაა, რომ ყველა ცხოველი გისოსებს მიღმა მოწყენილი და უბედურია.

„საუკეთესო ზოოპარკებშიც კი, აუცილებლად შეხვდები ისეთ ცხოველებს, რომლებიც საშინელ ცემენტის გალიებში ან პატარა შუშის ყუთებში ცხოვრობენ“ – აღნიშნავს ფოტოგრაფი.