"ქუთაისის ფიზიკა–მათემატიკის სკოლის მოსწავლეებმა სასწავლო ოლიმპიადა პროტესტის ნიშნად დატოვეს - ქუთაისის N41 ფიზიკა–მათემატიკის სკოლაში, თურმე, ასეთი რამ მოხდა: როცა მოსწავლეებმა ნახეს, რომ დღეს სკოლაში მიტანილი ტესტები ემთხვეოდა გუშინ ფეისბუკში გამოქვეყნებულს, ადგნენ და პროტესტის ნიშნად ოლიმპიადა დატოვეს. 

ჩემი აზრით, უფროსებს გვაჯობეს", - წერს ია ანთაძე "ფეისბუქზე".

შეგახსენებთ, რომ სასკოლო ოლიმპიადის ტესტების სოციალურ ქსელში გავრცელებას, განათლებისა და მეცნიერების სამინისტრო უარყოფს:

"ინფორმაცია, რომელიც გავრცელდა, თითქოს ამ ოლიმპიადის ტესტები და პასუხები გავრცელებული იყო, არ შეესაბამება სიმართლეს. დღეს დილით იყო ყველა სკოლა ინფორმირებული, თუ რა ტესტი უნდა ეწერათ და შესაბამისად მათთვის პასუხები ჯერ გადაცემული არ არის. სავარაუდოდ გავრცელებული პასუხები, სანიმუშო ტესტების პასუხები უნდა იყოს“, - აცხადებენ სამინისტროში.