საქართველოს პრეზიდენტის, სალომე ზურაბიშვილის თქმით, როდესაც მან ბიძინა ივანიშვილს გიგი უგულავასა და ირაკლი ოქრუაშვილის შეწყალებაზე მიღებული გადაწყვეტილების შესახებ უთხრა, ივანიშვილმა უპასუხა, რომ ეს პრეზიდენტი გადაწყვეტილება იყო.

მისი თქმით, მას შემდეგ, რაც საპრეზიდენტო არჩევნებში მმართველი "ოცნების" მხარდაჭერით გაიმარჯვა, მას ივანიშვილმა უთხრა, რომ ნებისმიერ გადაწყვეტილებაში დამოუკიდებელი იქნებოდა.

"თქვენი გადაწყვეტილება არისო, როგორც, სხვათა შორის, მითხრა პირველივე დღიდან, როცა არჩეული ვიყავი და როცა შევხვდით ამის მერე, რომ იცოდეთ, თქვენ კი დაგეხმარეთ ყველანაირად, მაგრამ ეს არის თქვენი პრეზიდენტობა, დამოუკიდებელი და ნეიტრალური, როგორც კონსტიტუცია მოითხოვს და იცოდეთ, რომ თქვენ იქნებით დამოუკიდებელი თქვენს გადაწყვეტილებაში", - ამბობს ზურაბიშვილი "რუსთავი 2-თან".