საქართველოს პრეზიდენტის, სალომე ზურაბიშვილის თქმით, როდესაც უცხოელი პარტნიორები გიგი უგულავას, ირაკლი ოქრუაშვილისა და გიორგი რურუას შესახებ იყენებ ტერმინს “პოლიტპატიმარი”, ნიშნავს, რომ ისინი ცუდად ინფორმირებულები არიან.

იგი აცხადებს, რომ მას პირადი კომუნიკაცია აღნიშნულ საკითხზე სენატორებთან არ ჰქონია, რადგან ეს არ არის მისი დონე.

“ეს ნიშნავს, რომ ცუდად ინფორმირებულები არიან, რაც ყველა ჩვენგანის პასუხისმგებლობაა, საჭიროა უფრო მეტად ვიყოთ ამ ხალხის ინფორმირებაში”, – განაცხადა ზურაბიშვილმა.

კითხვაზე, ჩაერთვება თუ არა პრეზიდენტი იმაში, რომ მსგავსი ტერმინები არ იყოს გამოყენებული, ზურაბიშვილმა უპასუხა, რომ ჩართულია, თუმცა სენატორებთან პირადი კომუნიკაცია არ ქონია.

“ჩართული ვარ და პირველი, ვინც ჩემი გამოსვლის შემდეგ გამოთქვა აზრი, რომ გავათავისუფლე პოლიტიკური პატიმრები მიიღო პირველი პასუხი, მაგრამ ეს არ იქნება უკანსკნელი პასუხი. არ მქონია არანაირი პირადი კომუნიკაცია [სენატორებთან] იმიტომ, რომ ეს არ არის ჩემი დონე თუ არ შევხვდები რომელიმე კონფერენციაზე ან ისეთ პირობებში როგორც აქ როცა იყვნენ თავის დროზე მაკკეინის კონფერენციაზე. მაგრამ მე ვაპირებ, რომ ძალიან კატეგორიულად, ეხლა მაქვს ამისი ყველანაირი უფლება, რადგან მე ვითამაშე საკმაოდ დამაწყნარებელი როლი, რომ ყველას მოვთხოვო, რომ თავისი მხრიდანაც იგივე გამონახოს საკუთარ თავში თავშეკავება. ეს იქნება აუცილებელი და ამას მივყვები ეს იქნება ტვიტერის პასუხებით თუ პირადი კონტაქტებით”, – განმარტა ზურაბიშვილმა.