„ნაცმოძრაობას“და „ევროპულ საქართველოს“ "ერთი კლასტერია"- პარლამენტში ხმაჯურიანი განცხადებები გრძელდება

პოლიტიკა - 17:26, 19 May, 2020

459

ხმაურიანი განცხადებები პარლამენტში - პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, სოფო კილაძემ "ნაციონალურ მოძრაობასა" და "ევროპულ საქართველოს“ "ერთი კლასტერი" უწოდა.

"ჩვენ ვიცით, რომ „ნაციონალური მოძრაობა“, „ევროპული საქართველო“ და სხვადასხვა სატელიტები ერთი კლასტერია და ყველას ერთად „ნაციონალური მოძრაობა“ ჰქვია",- თქვა კილაძემ ენმ-ს მისამართით.

„ბატონო რომან, მე თქვენზე პირადად არ ვიტყვი, ეს თუ დაგამშვიდებთ, თქვენს პოლიტიკურ ძალაზე გავაკეთებ აქცენტს. ძალიან ნიშანდობლივია, რომ მარტო გამოგიშვეს აქ თქვენ და ეგეც ბევრ რამეზე მეტყველებს. მე არ მიკვირს, რომ „ნაციონალური მოძრაობა“ ახლა ითხოვს საგანგებო მდგომარეობას. სამწუხაროდ, საგანგებო მდგომარეობაში ამყოფებდა „ნაციონალური მოძრაობა“ ჩვენს მოსახლეობას მთელი იმ პერიოდის განმავლობაში, რაც ისინი ხელისუფლებაში იყვნენ. ამ საგანგებო მდგომარეობას ახასიათებდა ადამიანის უფლებების არნახული შეზღუდვა, რომელიც მათ შორის მოქალაქეების სიცოცხლეს და ჯანმრთელობას ხელყოფდა. ადამიანის სიცოცხლის უფლება აბსოლუტურად ფეხქვეშ გათელილი იყო მათი მმართველობის პერიოდში. ბატონო რომან და ყველას მივმართავ თქვენი პოლიტიკური ძალიდან, გვაცალეთ ადამიანის სიცოცხლის და ჯანმრთელობის უფლების დაცვა“,-აღნიშნა კილაძემ.

კილაძის განცხადებით, ხელისუფლება დემაგოგიითაა დაკავებული:

„საგანგებო მდგომარეობის გაუქმებას ვითხოვთ. ვერ გაიგეთ რა ვილაპარაკეთ 5 წუთის განმავლობაში? საგანგებო მდგომარეობა უნდა გაუქმდეს, ნუ დემაგოგობთ”, - თქვა გოციროძემ.