"პოლიტპატიმარი რურუა კვლავ ელოდება გათავისუფლებას... რას ვაკეთებთ საქართველოში ყველა პოლიტპატიმრის გასათავისუფლებლად?"- დევიდ მაკალისტერი

პოლიტიკა - 14:21, 19 May, 2020

753

ევროპარლამენტარმა, ევროპის საგარეო საქმეთა კომიტეტის თავმჯდომარემ, დევიდ მაკალისტერმა, საქართველოს ევროკავშირთან ასოცირების ხელშეკრულების შესრულების საკითხის განხილვისას "მთავარი არხის" მეწილის, გიორგი რურუას გათავისუფლების შესახებ ისაუბრა.

ევროპარლამენტარი რურუას გათავისუფლების აუცილებლობაზე საუბრობს:
"მე ასევე მივესალმე პოლიტიკური პატიმრების გათავისუფლებას 15 მაისს, რაც არის მნიშვნელოვანი ასპექტი 8 მარტს მიღწეული პოლიტიკური შეთანხმების შესასრულებლად. კერძოდ, მე მივესალმები გიგი უგულავას გათავისუფლებას, პოლიტპატიმრის, რომელიც 3-წელიწადნახევრის წინ თბილისში, ციხეში მე თვითონ ვნახე.

მიუხედავად იმისა, რომ რამდენიმე გათავისუფლდა, ერთი მნიშვნელოვანი პოლიტპატიმარი გიორგი რურუა კვლავ ელოდება გათავისუფლებას და მინდა, რომ ვკითხო ევროპის საგარეო ქმედებათა სამსახურისა (EEAS) და სამეზობლოს და გაფართოების საკითხებზე მოლაპარაკებების გენერალური დირექტორატის (DG NEAR) წარმომადგენლებს, დგას თუ არა ეს საკითხი ჩვენთვის და რას ვაკეთებთ იმის უზრუნველსაყოფად, რომ ყველა პოლიტპატიმარი გათავისუფლდეს 8 მარტის შეთანხმების საფუძველზე"- განაცხადა ევროპარლამენტრამა.