კორუფციული გარიგება ხელისუფლებასა და საეჭვო წარსულის მქონე კომპანიებს შორის - სამტრედია-გრიგოლეთის შემოვლითი გზის პროექტით ნაშოვნი მილიონები და ზარალი, რომელიც ქართველ ხალხს მიადგა

პოლიტიკა - 00:55, 19 May, 2020

613

სამტრედია-გრიგოლეთის შემოვლით გზის დაუსრულებელი მშენებლობა - თუმცა მაგისტრალი, რომლის პირველი მონაკვეთი ჯერ კიდევ სამი წლის წინ უნდა გახსნილიყო, ამ დრომდე დაუსრულებელია. ოპოზიცია კორუფციულ გარიგებებზე საუბრობს.
ოპოზიციის ინფორმაცით, პირველ ლოტზე გამარჯვებული უკრაინული კომპანია „ალტკომი“ ტენდერში გამარჯვებიდან მალევე გაქრა და თან წაიღო სახელმწიფოს მიერ ავანსად გადახდილი მილიონები.

"საქართველომ 80 მილიონი ლარი სამუდამოდ დაკარგა. ეს ფული იმიტომ ვერ დაიბრუნეს, რომ უკრაინის ერთ-ერთ ბანკთან საგარანტიო ხელშეკრულება გააფორმეს, ბანკი მშვენივრად ფუნქციონირებს, თუმცა საქართველოს არაფერს არ აძლევს"- აცხადებს "ერთიანი ნაციონალური მოძრაობის" ერთ-ერთი ლიდერი რომან გოცირიძე.

აღსანიშნავია, რომ "ალტკომის" მიერ დანერგილი ფულის მიტაცების პრაქტიკა სამტრედია-გრიგოლეთის შემოვლით გზის მშენებლობაში ჩართულმა ახალმა უცხოურმა კომპანიებმაც წარმატებით გააგრძელეს.

საქართველოს მიერ ავანსად გაცემული 30 000 000 მიითვისა იტალიურმა კომპანია "ტოდინმაც", რომლის გარანტორი ყაზახური ბანკი "სატანა ბანკი", რომელსაც როგორც ირკვევა, სალიდიკვაციო კომპანია მართავდა.

მეორე ლოტის შემთხვევაში 18 კილომეტრიან მონაკვეთის ასაშენებლად გამოცხადებულ ტენდერში, რომლის თავდაპირველი ღირებულება 253 000 000 ლარს შეადგენდა ჩინურმა კომპანია "სინოჰიდრომ" გაიმარჯვა.

ჩინურ კომპანიას მძიმე კორუფციული წარსული აქვს - ის ჯერ კიდევ 2013 წელს მსოფლიო ბანკმა დააჯარიმა არაკეთილსინდისიერი გარიგებების გამო. "სინოჰიდრო" აფრიკის ბანკის შავ სიაშია. ჩინური კომპანიას მალაიზიაში კორუფციის მონუმენტს უწოდებენ, რადგან მის მიერ უხარისხოდ აშენებულმა კაშხლის ჯებირმა, ათიათასობით მოსახლეს პრობლემები შეუქმნა და აკომიგრანტებად აქცია.

შესაძლო კორუფციული სკანდალი ვრცლად ნახეთ აქ