კახი კალაძის ერთ-ერთმა მოადგილის, სოფო ხუნწარიას მიერ თანამდებობის დატოვებას ოპოზიციაში ეხმაურებიან.

ხუნწარიამ ფეისბუქის საკუთარ გვერდზე დაწერა, რომ ეს გადაწყვეტილება პირადი სურვილით მიიღო.

სოფო ხუნწარიას გადადგომაზე განსხვავებული მოსაზრება აქვთ ოპოზიციაში და მის ამ ნაბიჯს მერიის გამოცხადებულ ტენდერებსა და ფინანსურ დარღვევებს უკავშირებენ.

"სწორედ მის დროს ფორმდებოდა ტენდერის გარეშე მრავალმილიონიანი კონტრაქტები, რომლებიც დაკავშირებული იყო 26 მაისთან, თბილისობასთან და ახალ წელთან. და ამასთან დაკავშირებით იყო ძალიან ბევრი კითხვა, მით უმეტეს, რომ ისინი ფორმდებოდა ტენდერის გარეშე. არ არის გამორიცხული, რომ დაიწყო ამ მასალების შესწავლა აუდიტის სამსახურში, მერიის შიდა სამსახურში და სანამ რაიმე სკანდალი აფეთქდებოდა, მანამდე დააწერინეს განცხადება, - ამბობს თბილისის საკრებულოს ფრაქცია ერთიანი ნაციონალური მოძრაობის თავმჯდომარე ირაკლი ნადირაძე.