"ქართული ოცნების" დეპუტატს რომან კაკულიას მიაჩნია, რომ კომპანია ფრონტერას საკითხზე სენატორების განცხადებები მხარს უჭერს საქართველოში პრორუსული ნარატივის გაძლიერებას.

იგი აცხადებს, რომ საქართველოს მოსახლეობას არ სჭირდება ისეთი ტიპის დასავლეთი, რომელიც "ასე რეაგირებას სამართლებრივ საკითხებზე".

"ოცნების" დეპუტატმა მოუწოდა პრორუსული გავლენის მკვლევარ ორგანიზაციებს, რომ ასეთი ტიპის ჩარევებს ყურადღება მიაქციონ.

"მე ყველას ვთხოვ, ასეთი კუთხით შეხედოს ასეთი ტიპის ჩარევებს, როდესაც ის სწავლობს რაიმე ტიპის რუსულ პროპაგანდაზე. დასავლეთი ერთის მხრივ ხარჯავს ფულს, თითქოს პროპაგანდის შესანელებლად და მეორე მხრივ, ასეთი ნაბიჯებით პირდაპირ მხარს უჭერს, თუ რაიმე პრორუსული ორიენტაცია არსებობს საქართველოში, მათ გაღრმავებას", - განაცხადა დეპუტატმა.