ავსტრალიის კვინსლენდის უნუვერსიტეტის ახალი კვლევის თანახმად, ახლო აღმოსავლეთში და ჩრდილოეთ აფრიკაში, მსოფლიოში დეპრესიის ყველაზე მაღალი დონე ფიქსირდება.

გაზეთი The Washington Post აქვეყნებს დეპრესიის რუკას, რომელიც აჩვენებს თუ რომელი ქვეყნის მოსახლეობამ მიიღო „კლინიკური დეპრესიის“ მეტი დიაგნოზი.

მსოფლიოში ამ დაავადების სიმძიმის განსასაზღვრად, კვლევაში გამოყენებულია დეპრესიის გავრცელებისა და ხანგრძლივობის მონაცემები. მეცნიერთა შეხედულებით, დეპრესია არის მსოფლიოში ქმედითუუნარობის გამომწვევი მეორე მიზეზი. დედამიწის მოსახლეობის 4%-ზე მეტს გააჩნია ასეთი დიაგნოზი.

მეცნიერებმა მონაცემები შეაგროვეს იმ ადამიანთა რიცხვის მიხედვით, ვისაც დაუსვეს „კლინიკური დეპრესიის“ დიაგნოზი. ხალხი, რომელიც ისეთ ქვეყანაში ცხოვრობს, სადაც სამედიცინო მომსახურება ადვილად ხელმისაწვდომია, უფრო ხშირად იღებს შესაბამის დიაგნოზს. ამითი იხსნება ის რომ, მაგალითად ერაყში, სადაც ჯან-დაცვის სისტემა სუსტია, დეპრესიის დონის უჩვეულოდ დაბალი მაჩვენებელია.

დოკუმენტში ნათქვამია, რომ ზოგ ქვეყანაში, სადაც დაბალი შემოსავლებია, დეპრესიის არასანდო მონაცემებია.

დეპრესიის ყველაზე დაბალი დონე აღმოსავლეთ აზიაში, ავსტრალიაში და ახალ ზელანდიაშია.

საქართველო „კლინიკური დეპრესიის“ დიაგნოზის დადგენის დაბალი მაჩვენებლის მქონე ქვეყნებს შორის მოხვდა, რაც, შესაძლოა, მედიცინის ხელმიუწდომობით აიხსნას.

კვლევაში საქართველო 4,5%-იანი მაჩვენებლის მქონე ქვეყნებს შორის მოხვდა.