ოპოზიცია კოორდინირებულ მოქმედებაზე გადადის - პარტიების ერთობლივი განცხადება

პოლიტიკა - 15:33, 18 May, 2020

775

ოპოზიცია უკან დახევას არ აპირებს და კოორდინირებულ მოქმედებაზე გადადის - ხელისუფდლების ოპონენტები "ლეიბორისტული პარტიის" ოფისში შეიკრიბნენ და სამოქმედო გეგმები დასახეს.

ყველა თანხმდება, რომ 8 მარტის შეთანხმება შესრულებულად არ ჩაითვლება, თუ გიგი უულავასა და ირაკლი ოქრუაშვილის მსგავსად, საპატრიმროს "მთავარი არხის" ერთ-ერთი მეწილე, გიორგი რურუა არ დატოვებს.

განცხადების ავტორები ამბიობენ, რომ მათი ამოცანაა რომ 2020 წლის არჩევნები საქართველოში ჩატარდეს მშვიდ, ნორმალურ ვითარებაში ხოლო ხელისუფლება შეიცვალოს არჩევნების გზით:

"პრეზიდენტის მიერ გამოცხადებული გადაწყვეტილება, რომლითაც გიგი უგულავა და ირაკლი ოქრუაშვილი გათავისუფლდნენ, მნიშვნელოვანი ნაბიჯია 8 მარტის შეთანხმების შესრულებისკენ და საქართველოში პოლიტიკური სიტუაციის ნორმალიზაციისკენ. იმედს გამოვთქვამთ, რომ საპატიმროს მალე დატოვებს გიორგი რურუაც, ხოლო ამის შემდეგ საქართველოს პარლამენტი მიიღებს შეთანხმებულ საკონსტიტუციო ცვლილებებს, ასევე გადაიდგმება ნაბიჯები საარჩევნო კანონმდებლობის საერთაშორისო რეკომენდაციების საფუძველზე გარდასაქმნელად. ამით ქვეყანა არსებით ნაბიჯს გადადგამს პროპორციული სისტემისკენ. ამ პროცესის დასრულება არის კარგი მთლიანად ქვეყნისთვის, მისი ყველა მოქალაქისთვის, და არა რომელიმე ცალკე პარტიისთვის"- წერია განცხადებაში.

ჩვენი ამოცანაა რომ 2020 წლის არჩევნები საქართველოში ჩატარდეს მშვიდ, ნორმალურ ვითარებაში ხოლო ხელისუფლება შეიცვალოს არჩევნების გზით, რაც მნიშვნელოვანი წინ გადადგმული ნაბიჯი იქნება საქართველოს დემოკრატიზაციის გზაზე. დღევანდელი ხელისუფლების არჩევნებში დამარცხების შემდეგ, დემოკრატიულმა და კოალიციურმა მთავრობამ უნდა გამოიყვანოს ქვეყანა დღეს არსებული ეკონომიკური ჩიხიდან, გადადგას საკვანძო ნაბიჯები სასამართლოს დამოუკიდებლობისკენ, რათა საქართველო არასდროს დადგეს იმ გამოწვევების წინაშე რასაც პოლიტიზირებული მართლმსაჯულება და ქვეყანაში პოლიტპატიმრების არსებობა ჰქვია.

ჩვენ, ოპოზიციური პარტიები სწორედ ამ მიზნების მისაღწევად ვაპირებთ ერთმანეთთან კოორდინირებულ მოქმედებას. ჩვენი ამოცანაა რომ ყველა ცვლილება საქართველოში, მხოლოდ კონსტიტუციურ ფარგლებში და მშვიდობიანად განხორციელდეს და ხელისუფლება არჩევნების გზით შეიცვალოს"- წერია განცხადებაში.