სასამართლომ ხელისუფლების ზეწოლით პოლიტიკური გადაწყვეტილება მიიღო, - ასეა „ნაციონალური მოძრაობის“ ერთ-ერთი ლიდერის სალომე სამადაშვილის შრფასება.

დეპუტატმა გიორგი რურუას პატმრობაში დატოვება სასამართლოს ეზოში შეაფასა და აღნშნა, რომ ჯერ კიდევ რჩება შესაძლებლობის ფანჯარა, რომელიც შეიძლება ხელისუფლებამ გამოიყენოს და ქვეყანას უმწვავესი პოლიტიკური კრიზისი აარიდოს.

მისივე თქმით, 8 მარტის აშეთანხმება არ იქნება შესრულებული, სანამ გიორგი რურუა არ დატოვებს საპყრობილეს.

"ხელისუფლებამ გადაწყვიტა, რომ ჩაშალოს შეთანხმება, ეს არის ნათელი ნიშანი, რომ ისინი აპირებენ ჩაშალონ ეს შეთანხმება და გიორგი რურუა დატოვონ საპყრობილეში. სამართლებრივი ლოგიკა გიორგის დატოვებას ციხეში უბრალოდ არ გააჩნია და ამიტომ მიგვაჩნია, რომ დღეს კიდევ ერთხელ პოლიტიკური გადაწყვეტილება მიიღო სასამართლომ ხელისუფლების ზეწოლით. ჩვენი მხრიდან გაგრძელდება ძალიან მტკიცე და ერთიანი პოზიცია, რომ საკონსტიტუციო ცვლილებებს არ ექნება ოპოზიციის მხარდაჭერა, სანამ გიორგი ციხეში რჩება"- აღნიშნა ოპოზიციის ერთ-ერთმა ლიდერმა.

სამადაშვილი დარწმუნებულია, რომ რურუას პატიმრობაში დარჩენას დასავლელი პარტნიორების რეაქცია აუცილებლად მოჰყვაბა.

"რა თქმა უნდა, გაგრძელდება ხელისუფლებაზე ის უმწვავესი ზეწოლა, რომელიც ხდება როგორც ამერიკის შეერთებული შტატებიდან, ასევე ევროპიდან იმიტომ, რომ ჩვენი დასავლელი პარტნიორები მოელიან ცალსახად ერთადერთ გადაწყვეტილებას, რაც არის გიორგი რურუას გათავისუფლება საპყრობილედან. ჯერ კიდევ რჩება შესაძლებლობის ფანჯარა, სანამ პროცესი საკონსტიტუციო ცვლილებები დასასრულისკენ მიდის და მე იმედი მინდა გამოვთქვა, რომ ხელისუფლება ამ შესაძლებლობების ფანჯარას გამოიყენებს უახლოეს მომავალში. ჩვენ თავიდან ავირიდებთ უმწვავეს პოლიტიკურ კრიზის, რომელშიც ქვეყანა შეიძლება შევიდეს“, - განაცხადა სამადაშვილმა.