მივესალმები პოლიტიკური პატიმრების შეწყალებას - ევროპარლამენტარების გამოხმაურებები უგულავას და ოქრუაშვილის გათავისუფლებაზე

პოლიტიკა - 01:56, 16 May, 2020

794

გიგი უგულავას და ირაკლი ოქრუაშვილის გათავისუფლებას უკვე მოჰყვა საერთაშორისო გამოხმაურებები ევროპარლამენტარების მხრიდან. განცხადებებს მარინა კალიურანდი და ანა ფოტიგა „ტვიტერის“ საკუთარ გვერდზე აქვეყნებენ.

მივესალმები უგულავას და ოქრუაშვილის შეწყალებას, როგორც დაძაბულობისკენ გადადგმულ კეთილსინდისიერ ნაბიჯს. მოვუწოდებ ყველა მხარეს, ვიმუშაოთ ერთობლვად 8 მარტის შეთანხმების შესრულებაზე - წერს მარინა კალიურანდი.

ქართულ ენაზე აქვეყნებს განცხადებას ანა ფოტიგა, რომელიც წერს, რომ საქართველოს მოქალაქეები იმსახურებენ პროგრესს. ველოდები, რომ 2020 წლის არჩევნები თავისუფლად და სამართლიანად ჩატარდება, - წერს ფოტიგა.

სწორი მიმართულებით გადადგმული ნაბიჯი, ჩემი მილოცვა პრეზიდენტ ზურაბიშვილს - ასეთია ევროპარლაენტარ ანდრიუს კუბილიუსის გამოხმაურება „ტვიტერზე“.

"მნიშვნელოვანი წინსვლა საქართველოში — პრეზიდენტმა ზურაბიშვილმა შეიწყალა ოპოზიციის ორი ლიდერი, თბილისის ყოფილი მერი გიგი უგულავა და თავდაცვის ყოფილი მინისტრი ირაკლი ოქრუაშვილი. სწორი მიმართულებით გადადგმული ნაბიჯი. ჩემი მილოცვა პრეზიდენტ ზურაბიშვილს", - დატვიტა ევროპარლამენტარმა.