ოპოზიცია პროცესის ქუჩაში გადატანას ცდილობს, „ქართულ ოცნებას“ კი სიტუაციის განმუხტვის ბერკეტი არ გააჩნია

ოპოზიცია პროცესის ქუჩაში გადატანას ცდილობს, „ქართულ ოცნებას“ კი სიტუაციის განმუხტვის ბერკეტი არ გააჩნია - სალომე ზურაბიშვილი

პოლიტიკა - 20:51, 15 May, 2020

606

ოპოზიცია ამ სიტუაციით მანიპულირებას ცდილობს, არეულობის გამოწვევას, ისევ ქუჩაში პროცესესების გადატანას და ამით დესტაბილიზაციის პროვოცირებას, მეორეს მხრივ ისიც არ სჩანს, რომ ქართულ ოცნებას პოლიტიკურ ვითარებიდან სწრაფი გამოსვლის და სიტუაციის განმუხტვის ბერკეტი გააჩნდეს - ამის შესახებ საქართველოს პრეზიდენტმა სალომე ზურაბიშვილმა პრეზიდენტის ადმინისტაციაში გამართულ ბრიფინგზე, გიგი უგულავას და ირაკლი ოქრუაშვილის შეწყალებასთან დაკავშირებით განაცხადა.
ზურაბიშვილის თქმით, პოლიტიკური ვითარებიდან გამოსავლის პოვნა, სიტუაციის განმუხტვა და სტაბილურობის შენარჩუნება მისი მოვალეობაა და ამიტომაც მიიღო ეს გადაწყვეტილება.
"დღეს ქვეყანა, იმის მიუხედავად, რომ ყველას მიერ აღიარებულ წარმატებით გაუმკლავდა კრიზისს, იმის მიუხედავად რომ ისეთი დემოკრატიული, თავისუფალი და სტაბილურია, როგორიც არასდროს ყოფილა დამოუკიდებლობის შემდეგ, დგას მწავე პოლიტიკური კრიზისის საფრთხის წინაშე.
პირდაპირ ვიტყვი, რომ მიღწეულ შეთანხმებაში, რომელსაც მეც მივესლამე, რჩება გარკვეული ბუნდოვანება (რომლის პასუხისმგებლობა ორივე მხარეზეა), რომელმაც კითხვის ნიშნის ქვეშ შეიძლება დააყენოს საკონსტიტუციო ცვლილებები, საარჩევნო კოდექსის ცვლილებები, და მაშასადამე საფრთხე შეუქმნას ჩვენს ერთ-ერთ მთავარ მიზანს- სამართლიანი და მშვიდი არჩევნების ჩატარებას.
ოპოზიცია ამ სიტუაციით მანიპულირებას ცდილობს, არეულობის გამოწვევას, ისევ ქუჩაში პროცესესების გადატანას და ამით დესტაბილიზაციის პროვოცირებას. თუმცა ამისი ძალა ნაკლებად გააჩნია. მეორეს მხრივ ისიც არ სჩანს, რომ ქართულ ოცნებას პოლიტიკურ ვითარებიდან სწრაფი გამოსვლის და სიტუაციის განმუხტვის ბერკეტი გააჩნდეს.
აქედან გამომდინარე ვთვლი, რომ გამოსავლის პოვნა, სიტუაციის განმუხტვა, სტაბილურობის შენარჩუნება და ქვეყნის საერთაშორისო პრესტიჟის შენარჩუნება მე მევალება! ამიტომაც მივიღე ეს გადაწყვეტილება", - განაცხადა სალომე ზურაბიშვილმა.