"ფრაზა "ჩვენ არ გვყავს პოლიტპატიმრები" საბჭოთა კავშირს მაგონებს..." - ბიძინა გეგიძე მმართველი გუნდის განცხადებებზე

პოლიტიკა - 18:27, 15 May, 2020

643

რამდენჯერაც არ უნდა გაჟღერდეს ხელისუფლების წარმომადგენლების მხრიდან, საკმაოდ არადამაჯერებლად, რომ ჩვენ არ გვყავს პოლიტპატიმრები, მთავარი არის ის, რომ ამ ფრაზას აქვს ლეგიტიმაციის დეფიციტი, ქვეყნის შიგნითაც და საერთაშორისო არენაზეც - ამის შესახებ ვაკის მაჟორიტარმა, ბიძინა გეგიძემ "ტვ პირველის" ეთერში განაცხადა.

ბიძინა გეგიძე მიიჩნევს, რომ ხელისუფლების მხრიდან საუბარი იმაზე, რომ ქვეყანაში არ არიან პოლიტპატიმრები, საბჭოთა კავშირის დროინდელ სიტუაციას გავს, როცა საბჭოთა კავშირის მმართველებიც ასე საუბრობდნენ, თუმცა ქვეყანაში, რა თქმა უნდა, პოლიტპატიმრები იყვნენ.
"ჩემი შეფასება არის, რომ რამდენჯერაც არ უნდა გაჟღერდეს ხელისუფლების წარმომადგენლების მხრიდან, საკმაოდ არადამაჯერებლად, რომ ჩვენ არ გვყავს პოლიტპატიმრები, მთავარი არის ის, რომ ამ ფრაზას, ჩვენ არ გვყავს პოლიტიკური პატიმრები, აქვს ლეგიტიმაციის დეფიციტი, ქვეყნის შიგნითაც და საერთაშორისო არენაზეც. ეს მახსენებს საბჭოთა კავშირის დროს, ისინიც იძახდნენ არ გვყავს პოლიტპატიმრებიო, პოლიტპატიმრების თემა ჩვენი ქვეყნისთვის არის ძალზედ უარყოფითი კონტექსტი. ძალზედ ცუდია, რომ არასწორი გადაწყვეტილებების გამო მივიღეთ შენიშვნები საერთაშორისო პარტნიორებისგან" - განაცხადა ვაკის მაჟორიტარმა, პარლამენტის წევრმა ბიძინა გეგიძემ.