„ქვეყანაში კორუფცია ამ დრომდე მძვინვარებს- წარმატებას მისი დამარცხების შემთხვევაში დავიწყებთ...მცირე და საშუალო ბიზნესს უნდა დავეხმაროთ" - მიხეილ სააკაშვილმა უკრაინულ გადაცემაში სამომავლო გეგმებზე ისაუბრა

მსოფლიო - 13:55, 15 May, 2020

1010

საქართველოს მესამე პრეზიდენტმა და უკრაინის რეფორმების აღმასრულებელი საბჭოს თავმჯდომარემ, მხიეილ სააკაშვილმა უკრაინულ გადაცემაში ქვეყანაში სამომავლო რეფორმებზე ისაუბრა. მიხეილ სააკაშვილის თქმით, უახლოეს დღეებში პრეზიდენტის გუნდთან ერთად მცირე და საშუალო ბიზნესის წარმომადგენლებთან შეხვედრა იგეგმება, სადაც სამომავლო გეგმებზე ისაუბრებენ. სიტყვით გამოსვლისას სააკაშვილმა აგრეთვე აღნიშნა, რომ პრეზიდენტი ზელენსკის უპირველესი მიზანი ქვეყნის განვითარება და კორუფციის აღმოფხვრაა.

„პრეზიდენტ ზელენსკის ყველაზე დიდი მიღწევაა, რომ ის არ იპარავს, არ ეშინია და არ ჰყავს მეგობრები, რომლებიც კორუფციაში მონაწილეობენ- ეს არის იმედის მომცემი, რომ ყველაფერი კარგად იქნება. ის არ შეცვლილა და მხოლოდ უკრაინაზეა ორიენტირებული. ქვეყანაში ცვლილებები სწრაფი ტემპით უნდა განხორციელდეს- ზუსტი ნაბიჯების გადადგმა ყველაზე აუცილებელია- ქვეყანაში კორუფცია ამ დრომდე მძვინვარებს- წარმატებას მხოლოდ მისი დამარცხების შემთხვევაში დავიწყებთ და ეს სწორედ პრეზიდენტის ძირითადი მიზანია. მცირე და საშუალო ბიზნესს უნდა დავეხმაროთ, ადამიანებს ბიზნეს საქმიანობის თავისუფლება სჭირდებათ- უახლოეს დღეებში ამ ადამიანებს შევხვდები და სამომავლო გეგმებზე ვისაუბრებთ- ერთადერთი რაც უკრაინას გააერთიანებს, ეს სწრაფი განვითარებაა „,- განაცხადა მიხეილ სააკაშვილმა.

გადაცემაში აგრეთვე მონაწილეობდა პარტია „ბატკივშინას“ ლიდერი, იულია ტიმოშენკო, რომელიც სხვადასხვა კორუფციული საქმეების გამომძიებელი საპარლამენტო დროებითი კომისიის წევრია. მისი თქმით, „ნაფტო- გაზ უკრაინა“-ში სახელმწიფო ბიუჯეტის 72 მილიარდი გრივნის მიტაცების ფაქტია აღოჩენილი, რომლის დოკუმენტური მასალა ტიმოშენკომ სააკაშვილს გადასცა და დახმარება სთხოვა აღნიშნული საქმის გამოძიებასა და ბოლომდე მიყვანაში - „ მიშა ვიცი რომ შენ ასეთი საქმეების სპეციალისტი ხარ“.