სააპელაციო სასამართლო ბაჩო ახალაიას პროცესთან დაკავშირებით განცხადებას ავრცელებს.

როგორც სააპელაციო სასამართლოში აცხადებენ, საქმისადმი მაღალი ინტერესის გამო, სასამართლო ყველას შეახსენებს, რომ ორშაბათს, 11 ნოემბერს, 14 საათზე სისხლის სამართლის კოლეგიის მოსამართლე კახაბერ მაჭავარიანი განიხილავს ბაჩანა ახალაიას საქმეს. სხდომა შედგება #12 დარბაზში.

საქმე ეხება სამხედრო მოსამსახურეებისთვის სიტყვიერი და ფიზიკური შეურაცხყოფის მიყენების, თავისუფლების აღკვეთის ეპიზოდებსა და ზვიად აბესაძესთან დაკავშირებულ ეპიზოდს, როდესაც მას, პროკურატურის ინფორმაციით, სიტყვიერი და ფიზიკური შეურაცხყოფა მიაყენეს და თავისუფლება აღუკვეთეს. აღნიშნულ საქმესთან დაკავშირებით, თბილისის საქალაქო სასამართლომ ახალაიასა და სხვა ბრალდებულების მიმართ გამამართლებელი განაჩენი გამოიტანა, რაც პროკურატურამ აპელაციის წესით გაასაჩივრა", - აღნიშნავენ სააპელაციო სასამართლოში.