ერთ საათზე მეტია, რაც ოპოზიციური პარტიების ლიდერები სამომავლო გეგმებზე "ლეიბორისტული პარტიის" ოფისში მსჯელობენ.

შეხვედრის დაწყებამდე ოპოზიციის ლიდრრებმა პოლიტიკური განცხადებები გააკეთეს.

"ტყუილად ხელს ნუ გამოიშვერენ ჩვენსკენ, ყველაფერი რაც მოხდება ქვეყნისთვის საზიანო, იქნება ხელისუფლების ბრალი, - აამბობს „გამარჯვებული საქართველოს“ ლიდრი გურამ ჩალაგაშვილი.

მისი თქმით, ხელისუფლებას კატეგორიულად არ უნდა საარჩევნო სისტემასთან დაკავშირებით საკონსტიტუციო ცვლილებების განხორციელება.

„მათ კატეგორიულად არ უნდათ, რომ მიიღონ ეს ცვლილებები. ისინი ცდიან ჩვენს დასავლელ პარტნიორებს, როდემდე ეყოფათ მოთმინება, როგორი იქნება მათი მომდევნო განცხადებები. ტყუილად ხელს ნუ გამოიშვერენ ჩვენსკენ, ყველაფერი რაც მოხდება ქვეყნისთვის საზიანო, იქნება ხელისუფლების ბრალი. ხელისუფლებამ ბოლომდე მიაღწია იმას, რომ არამხოლოდ ამერიკა, უკვე ევროპარლამენტარები და ძალიან ბევრი ჩვენი საერთაშორისო პარტნიორი პირდაპირ იყენებს ტერმინს „პოლიტიკური პატიმარი“. თუ ხელისუფლება არ შეასრულებს 8 მარტის შეთანხმებას, მთელი მსოფლიო იქნება ჩვენი ქვეყნის ლანძღვის პირობებში, რაც ძალიან ცუდია ჩვენი ქვეყნისთვის“, - განაცხადა გურამ ჩალაგაშვილმა.