"ხელისუფლებას ან თვლა ეშლება, ან ოპოზიციური პარტიების გარეშე კანონპროექტის მხარდაჭერას არ აპირებე"- ჟორჟოლიანის თქმით, საკონსტიტუციო ცვლილებებს უმრავლესობა, ოპოზიციის გარეშეც მიიღებს

პოლიტიკა - 17:24, 12 May, 2020

514

სოციალ-დემოკრატების ლიდერის გია ჟორჟოლიანის განცხადებით, საკონსტიტუციო ცვლილებების მიღება უმრავლესობას „ევროპული საქართველოსა“ და „ნაციონალური მოძრაობის“ დეპუტატების მხარდაჭერის გარეშეც შეუძლია.

მისი თქმით, ხელისუფლებას ან თვლა ეშლება, ან ოპოზიციური პარტიების გარეშე კანონპროექტის მხარდაჭერას არ აპირებენ.

„ბოლო რამდენიმე დღეა ერთი მხრივ, „ქართული ოცნების", ხოლო მეორე მხრივ, „ნაციონალური მოძრაობის“ „ქართული ოცნების“ ზოგიერთი წარმომადგენლის განცხადება, რომ ისინი თუ მხარს არ დაუჭირონ, შეიძლება ჩავარდეს და მათი პასუხისმგებლობა იქნება, არის მცდარი, ან თვლა ეშლებათ, ან მიაჩნიათ რომ თვითონ ასეთ ცვლილებებს მხარს დაუჭერენ მხოლოდ იმ შემთხვევაში, თუ „ევროპული საქართველო" და „ნაციონალური მოძრაობაც“ დაუჭერს. ამ პოლიტიკური ჯგუფების მიერ არაარსებითი და არარსებული მიზეზების მოშველიებით, საკონსტიტუციო ცვლილებების ჩავარდნა მათ დააკისრებს პოლიტიკურ პასუხისმგებლობას, რაზეც ვფიქრობთ, არჩევნების დროს ჩვენი ხალხი გასცემს პასუხს, ანუ გაითვალისწინებს მათ უპასუხისმგებლო მოქმედებას,"- განაცხადა ჟორჟოლიანმა.