"ეს არის წერტილი, რომელიც ჯიმ რიშმა დაუსვა საკითხს"- ბიწაძის თქმით, 8 მარტის შეთანხმაბის შეუსრულებლობის შემთხვევაში ხელისუფლებას საერთაშორისო იზოლაცია ემუქრება

პოლიტიკა - 16:05, 12 May, 2020

518

ხელისუფლების მხრიდან 8 მარტის შეთანხმების, ორივე პუნქტის შესრულების აუცილებლობაზე საუბრობს „ერთიანი საქართველო-დემოკრატიული მოძრაობის“ ერთ-ერთი ლიდერი ანზორ ბიწაძე.

მისი თქმით, თუ ხელისუფლება მიღწეულ შეთანხმებას არ შეასრულებს მისი საერთაშორისო იზოლაცია გარდაუვალია.

ოპოზუციონერის განცხადებით, ამერიკელმა მაღალჩინოსანმა ამ საკითხს წერტილი გუშინ დაუსვა:

"სენატის საგარეო ურთიერთობათა კომიტეტის თავმჯდომარემ გააკეთა განცხადება, სადაც პოლიტპატიმრებად მოიხსენია პატიმრები და საქართველოს ხელისუფლებას კატეგორიულად მოუწოდა შეასრულოს 8 მარტის შეთანხმების ორივე მხარე. როგორც ჩვენს მთავრობას უყვარს, განცხადების გაკეთება, როცა უნდათ რომ მკვეთრი და დამაჯერებელები იყვნენ და ამბობენ რომ ეს არის წერტილიო. დიახ, ეს არის წერტილი, რომელიც გუშინ ჯიმ რიშმა დაუსვა ამ საკითხს და ეს შეთანხმება აუცილებლად უნდა შესრულდეს, წინააღმდეგ შემთხვევაში ჩვენი ხელისუფლების საერთაშორისო იზოლაცია გარდაუვალია"- აცხადებს ბიწაძე.

სენატის საგარეო ურთიერთობათა კომიტეტის თავმჯდომარე, ჯიმ რიში საქართველოს ხელისუფლებას 8 მარტს მიღწეული შეთანხმების შესრულებისკენ მოუწოდებს.

„მე მოველი საქართველოს პოლიტიკური პარტიებისგან, რომ სრულად შეასრულონ მარტის შეთანხმება, მათ შორის, პოლიტიკური პატიმრების გათავისუფლება და პროგრესი ახალი საარჩევნო სისტემისკენ, - წერს სენატორი „ტვიტერზე“ .

ცნობილია, რომ 8 მარტს ხელისუფლებას და ოპოზიციას შორის მიღწეული ისტორიული შეთანხმება ორნაწილიანია და 2020 წლის საპარლამენტო არჩევნებზე მანდატების 120/30-ზე პროპორციით განაწილებას და ასევე, პოლიტიკური პატიმრების გათავისუფლებას გულისხმობს.
შეთანხმება, რომ ორი ნაწილისგან შედგება 11 მაისს, აშშ-ის საელჩო და ევროკავშირის წარმომადგენლობამ ოფიციალური განცხადებით დაადასტურეს.

მოლაპარაკებებში ჩართული დიპლომატების მხრიდან მკაფიო განცხადებაბის გაკეთება მას შემდეგ გახდა საჭირო, რაც პარლამენტის თავმჯდომარემ, არჩილ თალაკვაძემ განაცხადა, რომ თუ საკონსტიტუციო ცვლილებები ჩავარდება, ამაზე პასუხისმგებელი ოპოზიცია იქნება.

მმართავლი პარტია ირწმუნება, რომ შეთანხმება პოლიტპატიმრების გათავისუფლებას არ ითვალისწინებს.

საპირისპიროს ამტკიცებენ ხელისუფლების ოპონენტები მათი თქმით, დოკუმენტში 2020 წლის საპარლამენტო არჩევნებზე მანდატების 120/30-ზე განაწილების უზრუნველყოფასთან ერთად პოლიტიკური ნიშნით დაკავებული ადამიანების გათავისუფლებასზეც არის საუბარი.