"იმედია, ფიდელ კასტროიზაცია არ დაგვემართება"- ხიდაშელი ივანიშვილს აფრთხილებს და მოსალოდნელ სანქციებზე საუბრობს

პოლიტიკა - 15:00, 12 May, 2020

965

"ქართული ოცნების" ყოფილი წევრი, თავდაცვის ყოფილი მინისტრი თინა ხიდაშელი, სენატის საგარეო ურთიერთობათა კომიტეტის თავმჯდომარის, ჯიმ რიშის განცხადებას ეხმაურება და ამბობს, რომ სანქციებამდე ცოტა დრო დარჩა.

მისი შეფასებით, თუ ოფიციალურ დოკუმენტში დაფიქსირდა, რომ ქვეყანას პოლიტპატიმრები ჰყავს, აშშ მკაცრ ნაბიჯებზე გადავა:

"მთელი ეს საუბრები, რომ ერთმა კონგრესმანმა თქვა, ერთმა სენატორმა თქვა, აბსოლუტური სისულელეა, რადგან ის ერთი კაცი, რომელმაც დღეს ეს ტვიტი დაწერა, ყველაზე მთავარი ფიგურაა, აშშ-ის სენატში. ყოველ ჯერზე, როცა საქართველოს საკითხი დადგება ის პოლიტპატიმრების საქმეს მოითხოვს.

ყველა ქვეყანაში სადაც ამერიკას აღიარებულია აქვს, რომ არიან პოლიტპატიმრები სანქციებით მუშაობს და არ მუშაობს დახმარების პროექტებით. იმედია ფიდელ კასტროიზაცია არ დაგვემართება, რიშის განცხადებიდან მოკლე გზაა იქამდე.

თუკი პოლიტპატომრების შესახებ განხადებები მათ ოფიციალურ განაცხადში გაჩნდება, ეს პირდაპირი გზაა სანქციებისკენ, ოღონდ აქ მთავარი საკითხი ასე იქნება, სანქციები იქნება მთლიანად ქვეყანაზე თუ გაიცემა სანქციები კონკრეტულ პოლიტიკოსებზე რომელებიც ამ საქმიანობით არიან დაკავებიულნი"- ამბობს ხიდაშელი.

ცნობილია, რომ 8 მარტს ხელისუფლებას და ოპოზიციას შორის მიღწეული ისტორიული შეთანხმება ორნაწილიანია და 2020 წლის საპარლამენტო არჩევნებზე მანდატების 120/30-ზე პროპორციით განაწილებას და ასევე, პოლიტიკური პატიმრების გათავისუფლებას გულისხმობს.
შეთანხმება, რომ ორი ნაწილისგან შედგება 11 მაისს, აშშ-ის საელჩო და ევროკავშირის წარმომადგენლობამ ოფიციალური განცხადებით დაადასტურეს.

მოლაპარაკებებში ჩართული დიპლომატების მხრიდან მკაფიო განცხადებაბის გაკეთება მას შემდეგ გახდა საჭირო, რაც პარლამენტის თავმჯდომარემ, არჩილ თალაკვაძემ განაცხადა, რომ თუ საკონსტიტუციო ცვლილებები ჩავარდება, ამაზე პასუხისმგებელი ოპოზიცია იქნება.

მმართავლი პარტია ირწმუნება, რომ შეთანხმება პოლიტპატიმრების გათავისუფლებას არ ითვალისწინებს.

საპირისპიროს ამტკიცებენ ხელისუფლების ოპონენტები მათი თქმით, დოკუმენტში 2020 წლის საპარლამენტო არჩევნებზე მანდატების 120/30-ზე განაწილების უზრუნველყოფასთან ერთად პოლიტიკური ნიშნით დაკავებული ადამიანების გათავისუფლებასზეც არის საუბარი.