საპარლამენტო უმრავლესობის ლიდერი გიორგი ვოლსკი გავლენიანი ბრიტანული გამოცემის, Daily Mail-ის მიერ გამოქვეყნებული სტატიას ზღაპარს უწოდებს.

მისი განმარტებით, საქართველოს სტრუქტურებსა და დასავლურ, მათ შორის, ბრიტანულ სტრუქტურებს შორის კიბერ უსაფრთხოების თემების გარშემო თანამშორმლობის "უპრეცენდენტო" ხარისხია.

"მინდა ყურადღება მიაქციოთ მთავარს, ყვებიან, რომ არსებობს ჰაკერთა ჯგუფი, რომელმაც ბრიტანული ლაბორატორიიდან მოიპარა ვაქცინის ფორმულა და უკან დაბრუნებაზე ევაჭრება... და ეს ჯგუფი მდებარეობს საქართველოში, უფრო მეტიც, ირანთან და რუსეთთან არიან დაკავშირებულნი - ესაა ზღაპარი, რომელიც ბავშვებსაც არ სჯერათ. ეს ტაშ-ფანდური, რაც ნაციონალურ მოძრაობაშია ატეხილი, მიუთითებს იმაზე, რომ გამოეცალათ ყველანაირი საფუძველი და ხავსს ეკიდებიან, რათა ხალხს დააჯერონ ის, რაც არ არსებობს", - აბობს გია ვოლსკი.

შეგახსენებთ, ბრიტანული გამოცემა "დეილი მეილის" ინფორმაციით, ჰაკერებმა სამედიცინო ჩანაწერები კიბერ თავდასხმის გზით, ბრიტანეთის სამედიცინო ცენტრიდან მოიპარეს. დაჯგუფება კრემლთან და ირანთან არის დაკავშირებული და თავდასხმა საქართველოდან განხორციელდა.