პარლამენტის თავმჯდომარე, არჩილ თალაკვაძე, უკრაინაში მიხეილ სააკაშვილის მაღალ თანამდებობაზე დანიშვნას ეხმაურება და ამბობს, რომ როდესაც იქეთ მხარეს მიხეილ სააკაშვილია უკრაინასთან პოლიტიკური თანამშრომლობა გართულდება.

მისი თქმით, ეს არამეგობრულ გადაწყვეტილებაა და ამ საკადრო გადაწყვეტილებამ ქვეყნებს შორის პოლიტიკურ თანამშრომლობას ჩრდილი მიაყენა.

"ამან ჩრდილი მიაყენა ჩვენს ქვეყნებს შორის პოლიტიკურ თანამშრომლობას. თქვენ როგორ წარმოგიდგენიათ, მმართველ პოლიტიკურ გუნდებს შორის თანამშრომლობა, როდესაც იქით მაგიდასთან, უკრაინის პოლიტიკურ გუნდთან ერთად შეიძლება აღმოჩნდეს თავის ამპლუაში ამ საკონსულტაციო საბჭოდან ადამიანი, რომელმაც ძალიან დიდი ზიანი მიაყენა ჩვენს ქვეყანას იმ წლების განმავლობაში, როდესაც ის ოპოზიციაში გადავიდა, რომ არაფერი ვთქვათ წარსულზე და კიდევ 9 წელს არ დავუბრუნდეთ", - განაცხადა თალაკვაძემ .