მთელი მსოფლიო ებრძვის უხილავ მტერს და ჩვენ გვჭირდება სოლიდარობა, გვჭირდება ერთიანობა

მთელი მსოფლიო ებრძვის უხილავ მტერს და ჩვენ გვჭირდება სოლიდარობა, გვჭირდება ერთიანობა - კახი კალაძე

პოლიტიკა - 20:26, 09 May, 2020

734

დღეს ევროპული ოჯახი, ისევე როგორც მთელი მსოფლიო, ებრძვის უხილავ მტერს და ჩვენ გვჭირდება სოლიდარობა, გვჭირდება ერთიანობა პანდემიასთან ბრძოლაში - ამის შესახებ დედაქალაქის მერმა კახი კალაძემ განაცხადა.

კალაძემ თბილისს და თბილისელებს "ევროპის დღეების" მიულოცა და აღნიშნა, რომ თბილისი ერთ-ერთი ყველაზე ძველი ევროპული ქალაქია.

„მინდა, შევუერთდე 2020 წლის „ევროპის დღის“ მოწოდებას -„ჩვენ ერთად უფრო ძლიერები ვართ!“ დღეს ევროპული ოჯახი, ისევე როგორც მთელი მსოფლიო, ებრძვის უხილავ მტერს და ჩვენ გვჭირდება სოლიდარობა, გვჭირდება ერთიანობა პანდემიასთან ბრძოლაში. თქვენ იცით, თბილისი ყოველ წელს განსაკუთღებული სიყვარულით მასპინძლობს ევროპის დღეებს. ეს არის მნიშვნელოვანი დღეები თბილისელებისათვის, ყველასათვის, ვინც იზიარებს ევროპულ ღირებულებებს, ვისაც სწამს და სჯერა ჩვენი ქვეყნის ევროპული მომავლის. მიუხედავად იმისა, რომ წელს საზეიმო ღონისძიებები არ ტარდება, მინდა, მივულოცო ჩემს ქალაქს „ევროპის დღეები“ საქართველოში და ვუსურვო საერთო გამარჯვება მსოფლიოში არსებულ გამოწვევაზე. გახსოვდეთ, თბილისი ერთ-ერთი ყველაზე ძველი ევროპული ქალაქი, მომავალ წელს ისევ დაგელოდებათ ევროპის მოედანზე“, - განაცხადა კახა კალაძემ.