ტესტების რაოდენობა გაიზარდა, ავადმყოფების არა, ეს მიუთითებს, რომ მცირე ტესტებითაც ვიკვლევდით მათ, ვისი გამოკვლევაც იყო საჭირო

ტესტების რაოდენობა გაიზარდა, ავადმყოფების არა, ეს მიუთითებს, რომ მცირე ტესტებითაც ვიკვლევდით მათ, ვისი გამოკვლევაც იყო საჭირო - თენგიზ ცერცვაძე

COVID-19 - 18:44, 09 May, 2020

777

ტესტების რაოდენობა გაიზარდა, ავადმყოფების არა, ეს მიუთითებს, რომ მცირე ტესტებითაც ვიკვლევდით მათ, ვისი გამოკვლევაც იყო საჭირო - ამის შესახებ თბილისის ინფექციური საავადმყოფოს ხელმძღვანელმა, თენგიზ ცერცვაძემ განაცხადა.
ცერცვაძის თქმით, სისტემა, რომელიც საქართველომ შემოიღო, არც ერთ ქვეყანას არ ქონია. ე.წ. ცხელების ცენტრი საქართველოს ნოუჰაუა.
„მალე ჩვენი გამოკვლევების რიცხვი, ასე ირწმუნებიან სამინისტრო და დაავადებათა კონტროლის ცენტრი, გაუტოლდება ევროპის ლიდერის, გერმანიის დღიური გამოკვლევის დონეს. უკვე ორი ათასს მიაღწია ჩვენთან ტესტირების რაოდენობამ, გერმანიაში დღეში სამი ათასი ტესტი ტარდება. ერთ რამეს მიაქციეთ ყურადღება, რომ ჩვენთან იკვლევდნენ ცოტას, მაგრამ იკვლევდნენ იმას, ვინც საჭირო იყო. ეს სისტემა, რომელიც საქართველომ შემოიღო, სასწრაფო, ოჯახის ექიმი, ცხელების ცენტრი და კოვიდცენტრი, დამიჯერეთ, არც ერთ ევროპის ქვეყანას ეს წრე, ეს კასკადი არ ჰქონია. ცხელების ცენტრი საქართველოს ნოუჰაუა. ამან, როგორც ჩანს, იმუშავა, რადგან ტესტების რაოდენობა გაიზარდა და ავადმყოფების არა, ეს მიუთითებს, რომ მცირე ტესტებითაც ვიკვლევდით იმ ავადმყოფებს, ვისი გამოკვლევაც იყო საჭირო“, – განაცხადა თენგიზ ცერცვაძემ.