ექიმების დაინფიცირების შემთხვევები გაიზარდა, მაგრამ ნუ ვიქნებით ძალიან პრეტენზიული და ძალიან სენსიტიური

ექიმების დაინფიცირების შემთხვევები გაიზარდა, მაგრამ ნუ ვიქნებით ძალიან პრეტენზიული და ძალიან სენსიტიური - თენგიზ ცერცვაძე

COVID-19 - 17:53, 09 May, 2020

762

ნუ ვიქნებით ძალიან პრეტენზიული და ძალიან სენსიტიური - განაცხადა ინფექციური საავადმყოფოს დირექტორმა თენგიზ ცერცვაძემ სამედიცინო პერსონალის ინფიცირების ზრდის შესახებ.
ცერცვაძის თქმით, საქართველოსთვის ცუდი შედეგია 72 ინფიცირებული სამედიცინო პერსონალი, თუმცა არის ევროპის ქვეყნები, სადაც ეს მაჩვენებელი გაცილებით მეტია.
„ექიმების დაინფიცირების შემთხვევები გაიზარდა. მე ვიცი, რომ 72 -ია. ერთის კვლევა მიმდინარეობს, რომელიც ბოჭორიშვილის კლინიკაშიც მუშაობს და საჯაროშიც, თითქოს დაუდასტურდა, მაგრამ ხდება დამაზუსტებელი კვლევები. ეს, რა თქმა უნდა, კარგი არ არის და პროცენტიც თითქოს მაღალია, 10%-ზე მეტია, მაგრამ ისიც იმიტომ, რომ სულ 660 ინფიცირებულია ქვეყანაში, თორე იტალიასა და ევროპის ქვეყნებში 6000-ზე მეტი სამედიცინო პერსონალია დაინფიცირებული და მათგან ნაწილი გარდაიცვალა. ყველაფერზე ნუ ვიქნებით ძალიან პრეტენზიული და ძალიან სენსიტიური, იმიტომ, რომ 72 ცოტა არ არის, მაგრამ ცოტა არ არის ჩვენთვის, თორე ევროპის ქვეყნებთან შედარებით, სადაც ათასობით დაინფიცირებული პერსონალია, ეს არის მიზერი, თან არც ერთი მედიცინის მუშაკი არ გარდაცვლილა,“- განაცხადა თენგიზ ცერცვაძემ.