ვანო მერაბიშვილისა და ზურაბ ჭიაბერაშვილის სასამართლო პროცესი ქუთაისის საქალაქო სასამართლოში ამ წუთებშიც გრძელდება. დღევანდელ პროცესზე ბრალდების მხარის 14 მოწმის დაკითხვა იგეგმება.

ამ დროისათვის დაკითხულია ორი მოწმე. მოსამართლემ განაცხადა, რომ დასაქმების ეპიზოდის განხილვა ყოველდღე გაიმართება ქუთაისის საქალაქო სასამართლოში, რასაც ვანო მერაბიშვილის პროტესტი მოჰყვა. 

"მე მსურს პროტესტი გამოვთქვა იმის გამო, რომ თქვენ აპირებთ ყოველ დღე სხდომის ჩანიშვნას, მე ამას განვიხილავ, როგოც ჩემზე პირდაპირ დავალების შესრულებას, ქუთაისში ჩემი ტარება ყოველდღე არის, როგორც მინიმუმ წამების მცდელობა.

თქვენ იცით, რომ მე ვერ შევძლებ ყოველდღე აქ სიარულს, ეს კი იმისთვის ხდება, რომ საზოგადოებას არ მიაწოდოთ ჩემი სიმართლე", - განაცხადა მერაბიშვილმა.