"მიშამ მიიღო მაპზე უკეთესი" - ექსპერტები ივანიშვილის შიშებზე საუბრობენ

პოლიტიკა - 14:19, 08 May, 2020

1306

საქართველოს ხელისუფლების გადაწყვეტილებით, უკრაინაში საქართველოს საგანგებო და სრულუფლებიან ელჩს, თეიმურაზ შარაშენიძეს თბილისში კონსულტაციებზე გამოიძახებენ.

ხელისუფკლების უპრეცენდენტო გადაწყვეტილებას სპერტები და პოლიტოგები ეხმაურებიან. ისინი გადაწყვეტილების უკან ბიძინა ივანიშვილს ხედავავენ.

სააკაშვილმა ზელენსკისგან "მაპზე მეტი მიიღო" - ამბობს ექსპერტი გია ხუხაშვილი.

"მიშამ მიიღო მაპზე უკეთესი, იმიტომ, რომ ვიცე პრემიერის პოზიცია არის დამოკიდებული პოზიცია და ეხლა ფაქტობრივად მისი პოლიტიკური წონა არის ბევრად უფრო მაღალი, ბევრად მეტი თავისუფლება აქვს მოქმედებებში და პასუხისმგებლობაც ბევრად უფრო ნაკლები აქვს, - ამბობს "მთავართან" გია ხუხაშვილი.

მოგვიანებით პოლიტოლოგმა სოციალურ ქსელში უკრაინიდან საქართველოს ელჩის გამოწვევა შეაფასა.

მისი თქმით, ეს გაბუტვის დემონსტრირებაა.

„ელჩის კონსულტაციებისთვის გაწვევა ნიშნავს არაუმეტეს გაბუტვის დემონსტრირებას. ფეხები აბაკუნეს, თვალები აბრიალეს და...
ბიძინა გაიბუტა...“, - წერს ხუხაშვილი.

ექსპერტების თქმით, საქართველოს ხელისუფლების ასეთმა რეაქციამ შესაძლოა მართლაც გაამწვავოს ორ ქვეყანას შორის ურთიერთობა და ბევრი კითხვა გამოიწვიოს აშშ-სა და ევროპაში.

"მთავრობა რეაგირებს ივანიშვილის შიშებზე და მან უნდა გააკეთოს ის განცხადებები, რომელიც ძალინ კარგად იცის ზალკანლიანმაც, რომ არ არის ნორმალური ორ ქვეყანას შორის დიპლომატიურ ურთიერთობებში თუ არ არის ეს ძალიან მწვავე კრიზისი და დანიშვნა სააკაშვილის, არ არის მწვავე კრიზისი" - ამბობს ვანო მაჭავარიანი.