თუ გიყვართ კატები და ხართ 45 წელს გადაცილებული, გეძლევათ „სამოთხეში“ ცხოვრების შესაძლებლობა. კატების მოსავლელად შექმნილი საქველმოქმედო ორგანიზაცია იწვევს კანდიდატებს საბერძნეთის „პატარა სამოთხეში“ - კლუნძულ სიროსზე. მეცნიერების ვარაუდით მილიონი წლის წინ კუნძული ზღვის წყლით იყო დაფარული. სწორედ ეს ადგილი აირჩიეს ფინიკიელებმა საცხოვრებლად და უწოდეს მას "უსურა" რაც ნიშნავს ბედნიერს.

მზად ხართ იცხოვროთ ბედნიერებაში? ეს არის ანაზღაურებადი სამუშაო, უფასო სახლით ზღვის ხედით. თქვენ არც წყლისა და ელექტროენერგიის გადასახადის გადახდა არ მოგიწევთ.

BBC-ის მიხედვით თავშესაფრის მფლობელი ჯოან ბოუელი ეძებს კანდიდატს, რომელიც 45 წელს გადაცილებულია და უყვარს კატები. ის გაძლევთ სამოთხეში ცხოვრების შესაძლებლობას, ხოლო თქვენგან 55 კატაზე ზრუნვას ითხოვს. შეგიძლიათ თავშესაფარს თქვენი კანდიდატურა სოციალური ქსელის საშუალებით შესთავაზოთ.

თუ თქვენ მცირედით ერკვევით ცხოველთა ფსიქოლოგიაში და იცით ავტომობილის მართვა, ეს სამსახურის მიღებაში დაგეხმარებათ. აღნიშნული განცხადება სოციალურ ქსელში 34 000-მა ადამიანმა გააზიარა, ხოლო 200 კატის მოყვარული სამსახურით დაინტერესდა.

თუ სტატიას ძაღლების მოყვარულები კითხულობთ, ცხვირს ნუ ჩამოუშვებთ, საოცნებო შეთავაზებები თქვენთვისაცაა.