უკრაინის პასუხი "ოცნების" ხელისუფლებას - "უკრაინა ევროპის ორბიტაზე სააკაშვილთან ერთად ბრუნდება"

პოლიტიკა - 11:02, 08 May, 2020

901

უკრაინის პასუხი საქართველოს ხელისუფლებას - ვოლოდიმერ ზელენსკის გადაწყვეტილებით, მიხეილ სააკაშვილი 45 მილიონიანი ქვეყნის რეფორმების საბჭოს უხელმძღვანელებს.

სააკაშვილის ფაქტორის მნიშნელობასა და უკრაინის მხრიდან ოცნების ხელისუფლების საპასუხო ნაბიჯზე საუბრობს სალომე სამადაშვილი, "ერთიანი ნაციონალური მოძრაობის" ერთ-ერთი ლიდერი აღნიშნავს, რომ სააკაშვილის დანიშვნით უკრაინამ რამდენიმე მნიშვნალოვანი გზავნილი გააღღერა. ერთ-ერთი კი არის, რომ ქვეყანა მიხეილ სააკაშვილის დახმარბით ევროპულ ორბიტაზე დაბრუნება გადაწყვიტა:

"რამდენიმე სერიოზული განაცხადი გაკეთდა ამ დანიშვნით. პირველ რიგში უკრაინამ განაცხადა, რომ ის აპირებს ევროპულ ორბიტაზე გადასვლას, მიუხედავად რუსეთის წინააღმდეგობისა. უკრაინა აპირებს იმ რეფორმების გატარებას რომელიც ამ გზაზე არის მნიშვნელოვანი და სწორედ ამ რეფორმების გატარება დაევალა მიხეილ სააკაშვილს.

რა თქმა უნდა ეს იყო პასუხი ქართული ოცნებისთვის, რომ არავის მსოფლიოში არ სჯერა მიხეილ სააკაშვილის სამართლებრივი დევნა ეფუძნება რაიმე შესაბამის საფუძველს ყველამ იცის, რომ სააკაშვილი საკუთარი სახელმწიფოს მხრიდან პოლიტიკური დევნილია. ვფოქრობ, ძალიან უხერხულია ის ვითარება რაც შეიქმნება ორ სახელმწიფოს შორის იმ განცხადებების ფონზე რაც გაკეთდა სააკაშვილის დანიშვნასთან დაკავშირებით ქართული ოცნების მხრიდან"- აღნიშნა სამადაშვილმა.

უკრაინის პრეზიდენტი ვოლოდიმირ ზელენსკი მიხეილ სააკაშვილს უკრაინის რეფორმების ეროვნული საბჭოს აღმასრულებელი კომიტეტის თავმჯდომარედ დანიშვნას ულოცავს.

"გულწრფელად ვულოცავ მიხეილ ნიკოლოზის ძეს ახალ საპასუხისმგებლო გამოწვევას. მჯერა, რომ ის შეძლებს ეროვნული რეფორმების საბჭოს იმპულსი მისცეს და ქვეყანაში მნიშვნელოვანი ცვლილებების განახორციელებაში დაეხმარება",- აცხადებს უკრაინის პრეზიდენტი.

ზელენსკის ბრძანებით, საქართველოს მესამე პრეზიდენტი და ოდესის ოლქის ექსგუბერნატორი მიხეილ სააკაშვილი უკრაინის რეფორმების ეროვნული საბჭოს აღმასრულებელი კომიტეტის თავმჯდომარედ გუშინ დაინიშნა.