ამის შესახებ არასამთავრობოთა მიერ გავრცელებულ განცხადებაშია ნათქვამი. მათი ინფორმაციით, პოლიციელ ადამიას ქმედებაში იყო სისხლის სამართლის დანაშაულის ნიშნები, რის გამოც ვასილ ლომსაძეს მრავალმხრივი დაზიანებები აქვს მიყენებული.

დღესვე შინაგან საქმეთა სამინისტრო გამოეხმაურა აღნიშნულ ფაქტს. როგორც შსს-ს პრესსამსახურში განმარტავენ, რუსთავის პოლიციის უფროსის მოადგილე ზაალ ადამიას თავს დაესხა ვასილ ლომსაძე, რომელმაც სცადა ტაბელური იარაღის წართმევა.

სამართალდამცველმა თავდასხმა მოიგერია და პოლიცია გამოიძახა. პოლიციის მისვლისას ლომსაძემ ორჯერ სცადა გაქცევა, რის შემდეგაც ის დააკავეს. ზაალ ადამიას აღენიშნებოდა ფიზიკური დაზიანებები. მათივე ცნობით ვასილ ლომსაძე მრავალჯერ არის ნასამართლევი.