ყოველწლიური კვლევის „მილიტარიზაციის გლობალური ინდექსი 2013“-ის ანგარიშის მიხედვით, მსოფლიოს ყველაზე გასამხედროებული სახელმწიფო, უკვე მეექვსე წელია, ისრაელია. მისმა ინდექსმა შეადგინა 794 პუნქტი.

საქართველო სიაში 501 პუნქტით 54-ე ადგილს იკავებს. ამ მხრივ საქართველოს მაჩვენებელი  ბოლო წლებში კლებულობს. 2007 წელს საქართველო 598 პუნქტით სიაში 28-ე იყო.

მსოფლიოს ყველაზე მილიტარიზებულ სახელმწიფოთა სამეულს აგრძელებენ სინგაპური (752) და რუსეთი (729).  საინტერესოა, რომ სომხეთის რესპუბლიკა სიაში მე-8-ე, ხოლო აზერბაიჯანი 15-ე ადგილს იკავებენ.

სამხედრო სფეროზე მეტად სოციალურ განვითარებას უპირატესობას  სიერა-ლეონე (207), ლიბერია (176) და პაპუა-ახალი გვინეა (153) ანიჭებენ. ხოლო გლობალური სიის ბოლოშია ისლანდია(10), რომელსაც მუდმივი შეიარაღებული ძალა დე-იურე არ გააჩნია.

მილიტარიზაციის გლობალური ინდექსი 1990 წელს შეიმუშავეს. ის უნივერსალური ინსტრუმენტი გახდა მსოფლიოს ქვეყნების მილიტარიზაციასა და სოციალურ განვითარებას შორის ბალანსის დონის შესაფასებლად. ინდექსის გამოთვლა, რომელიც 0-დან 1000-მდე მერყეობს, სამი კომპონენტის მიხედვით ხდება: სამხედრო ხარჯები, შეიარაღებული ძალები და სახელმწიფოს მძიმე შეიარაღება.