"ამ ორგანიზაციის დასკვნის ობიექტურობა ვფიქრობ, სერიოზულად დგება კითხვის ნიშნის ქვეშ" - სოფო კილაძე freedom house-ის დასკვნის შესახებ

პოლიტიკა - 18:31, 06 May, 2020

664

ამ ორგანიზაციის დასკვნის ობიექტურობა ვფიქრობ, სერიოზულად დგება კითხვის ნიშნის ქვეშ - ამის შესახებ ადამიანის უფლებათა კომიტეტის თავმჯდომარემ სოფიო კილაძემ განაცხადა.
სოფო კილაძის თქმით, ორგანიზაციის ობიექტურობას კითხვის ნიშნის ქვეშ ის ფაქტი აყენებს, რომ მათი ანგარიშის მიხედვით ოკუპირებულ აფხაზეთში გაცილებით უკეთესი მდგომარეობაა ადამიანის უფლებების კუთხით, ვიდრე საქართველოს მეზობელ ქვეყნებში.

„ამ ორგანიზაციის დასკვნის ობიექტურობა ვფიქრობ, სერიოზულად დგება კითხვის ნიშნის ქვეშ, თუ გავითვალისწინებთ იმას, რომ ამ ორგანიზაციამ წელსაც და გასულ წელსაც თავის ანგარიშებში დაწერა, რომ თითქოს ადამიანის უფლებების კუთხით აფხაზეთში გაცილებით უკეთესი მდგომარეობაა, ვიდრე ჩვენს მეზობელ ქვეყნებში. ეს იმ ფონზე, როცა ჩვენ ყველამ ძალიან კარგად ვიცით, რომ 300 000 ქართველზე მეტია დევნილი საკუთარი სახლიდან; იმ ფონზე, როცა ათიათასობით ეთნიკურად ქართველის უფლებები ირღვევა ყოველდღიურად; იმ ფონზე, როცა ეს არის რეჟიმი, რომელიც კლავს და ხოცავს ადამიანებს, ამიტომ ვფიქრობ, ამ ორგანიზაციის დასკვნა და მისი ობიექტურობა სერიოზულად უნდა დავაყენოთ კითხვის ნიშნის ქვეშ,“- აცხადებს კილაძე.