"ქართული ოცნების" ერთ-ერთმა ლიდერმა, მამუკა მდინარაძემ ფეისბუქის მიერ ანგარიშების გაუქმებას სპეციალური ბრიფინგი მიუძღვნა, თუმცა მხოლოდ ნაციონალურ მოძრაობასთან დაკავშირებული გვერდების წაშლაზე ისაუბრა.

"ფეისბუქის განცხადებით, ნაციონალური მოძრაობის ყალბი ანგარიშების სამიზნეს წარმოადგენდნენ საქართველოს მართლმადიდებლური ეკლესია, მმართველი პარტია და კორონავირუსის პანდემიის პირობებში მთავრობის ძალისხმევა", - ამბობს მდინარაძე.

ჟურნალისტების კითხვის დასვამდე, მას არ უხსენებია კოკა ყანდიაშვილის ესპერსონასთან დააკვშირებული გვერდების წაშლა. ის ყანდიაშვილს გაემიჯნა, მიუხედავად იმისა, რომ წლების წინ მათი PR ტექნოლოგი იყო.

"რაც შეეხება კოკა ყანდიაშვილს, ამ საკითხთან დაკავშირებით, რომ დამთავრდეს ერთხელ და სამუდამოდ სპეკულირება; ჩვენ გვახსოვს ნარატივები, ბოტებისა და ტროლების ქარხანა და ა.შ, ამ ადამიანს ოფიციალურად შეხება 2013-14 წლიდან ქართულ ოცნებასთან აღარ აქვს. ყველამ იცის, რომ ის ქართული ოცნების მხარდამჭერია და ებრძვის ნაციონალურ მოძრაობას", - განაცხადა მან და დაამატა, რომ ამის შემდეგ ყანდიაშვილთან კავშირი არ ჰქონიათ და მას პარტიისგან არანაირი დავალება არ მიუღია.