"არა კორონადიქტატურას" - აქცია პარლამენტის მიმდებარე ტერიტორიაზე

პოლიტიკა - 15:40, 06 May, 2020

826

"არა კორონადიქტატურას" ასე ჰქვია დედაქალაქის მთავარ გამზირზე მიმდინარე საპროტესტო აქციას, სადაც მოქალაქეებმა საკუთარი აზრი დააფიქსირეს. ახალგაზრდული ორგანიზაციების რამდენიმე წარმომადგენელი აღნიშნულ აქციას კოორდინაციას ედპ-ს ოფისიდან უწევდა.
"ნიუპოსტის" კორესპოდენტის ცნობით, პარლამენტის მიმდებარე ტერიტორიაზე სამოქალაქო მოძრაობების წარმომადგენლებმა და პოლიტიკური პარტიების ახალგაზრდული ორგანიზაციების წევრებმა ხელისუფლები მიერ გადადგმულ ნაბიჯერბი გააპროტესტეს.

მათი შეფასებით, ხელისუფლება პანდემიას პოლიტიკური მიმართულებით იყენებს და შემოღებული შეზღუდვებით ადამიანებს ტყვეობაში ამყოფებს.
ახალგაზრდების განცხადებით ეს ყველაფერი მიმართულია პოლიტიკური ინტერსებისა და მიზნებისკენ. მათი დიდი ნაწილი აცხადებს, რომ ხელისუფლება აქტიურ წინასაარჩევნო კამპანიაში იმყოფება და ამის უფლებას ოპოზიციას არ აძლევს ოპოზიციას, რომელიც უკვე უნდა იმყოფებოდეს საარჩევნო რეჟიმში.
"ნიუპოსტთან" საუბრისას არასამთავრობო ორგანიზაციების წარმომადგენლები ამბობენ, რომ ხელისუფლებამ სოციალური დახმარებების დარიგებით, ცდილობს ამომრჩევლების მოსყიდვას, როგორც ეს წინა აღცევნების დროს გააკეთა.
აქციის მონაწილეებმა აღნიშნეს, რომ ყოვლად გაუაზრებელია ხელისუფლების მიერ წარდგენილი ანტიკრიზისული გეგმა, რომელიც პრემიერმა წარადგინა. მათი განმარტებით, რეალური საჭიროების მქონე ადამიანებამდე ეს დახმარება არ მივა. ასევე ბუნდოვანია როგორ მიიღებენ დახმარებას თვითდასაქმებულები.
რუსთაველის გამზირზე შეკრებილებმა, ბიუროკრატიაზეც გაამახვივლეს ყურადღება და აღნიშნეს, რომ ხელისუფლება თვითდასაქმებული ადამიანებისგან საბუთის წარდგენას ითხოვს, როცა ამის საჭიროება არ არსებობს.