პოლიტიკური ლიდერების პატიმრობა, კრიზისი და მოსამართლეთა პოლიტიკური ნიშნით დანიშვნა - Freedom House-ის მორიგი უმწვავესი ანგარიში საქართველოზე

პოლიტიკა - 11:39, 06 May, 2020

602

Freedom House-ის მორიგი უმწვავესი ანგარიში და დემოკრატიის მაჩვენებლის კიდევ უფრო გაუარესებული მაჩვენებელი საქართველოში.

Freedom House-ის ანგარიშში მოხვდა პოლიტიკური ლიდერების პატიმრობა, პოლიტიკური კრიზისი და პოლიტიკური ნიშნით დანიშვნა.

ავტორიტეტული საერთაშორისო ორგანიზაცია საქართველოს ჰიბრიდული დემოკრატიის ქვეყნად რჩება.

"საქართველო რამდენიმე პარამეტრით ავტორიტარიზმს მიუახლოვდა" - წერია დასკვნაში.

რაც შეეხება დემოკრატიის ხარისხს ქვეყნებში, ის შარშანდელთან შედარებით გაუარესებულია და 3,25 ქულას შეადგენს.

ანგარიშში გაურკვეველი მოტივით დაწყებული დაპატიმრებები, მათ შორის გიგი უგულავას ხელახლა დაპატიმრება და მამუკა ხაზარაძის პოლიტიკურ სივრცეში შემოსვლიდან მალევე მის წინააღმდეგ დაწყებული გამოძიებაც მოხვდა.

"სასამართლოს სისტემა ისედაც დაძაბულობის მაპროვოცირებელია ქვეყნის ისედაც პოლარიზებულ ვითარებაში. 2019 წელს და 2020-ის დასაწყისში განურჩეველმა დაპატიმრებებმა და კამათის საგნად ქცეულმა რამდენიმე სასამართლო პროცესმა ისედაც დაძაბული ვითარება კიდევ უფრო გააუარესა. იმის ნიშნად, რომ ამგვარი შემთხვევები არ იქნება მხოლოდ სასამართლოს ქვედა ინსტანციებში შემოფარგლული, ის ამტკიცებს, რომ საქართველოს მმართველმა უმრავლესობამ უზენაეს სასამართლოში მიავლინა 14 ახალი მოსამართლე, უაღრესად დისფუნქციური და არაპროფესიონალური დანიშვნის პროცესის შედეგად"- ნათქვამია განცხადებაში.

რაც შეეხება სასამართლოს ნაწილს, დოკუმენტის ამ ნაწილში საუბარია, რომ სასამართლოებს ქვეყნები აკომპლექტებენ თავიანთი ერთგული ფიგურებით.

"2019 წელს და 2020 წლის დასაწყისში პოლიტიკოსები ძირს უთხრიდნენ კანონის უზენაესობას, რამაც გამოიწვია მაჩვენებლების გაუარესება ჩეხეთის, საქართველოს, ლატვიის, პოლონეთის, სლოვაკეთისა და მონტენეგროსთვის. მთავრობები სასამართლოებს აკომპოლექტებენ თავიანთი ერთგული ფიგურებით, იღებდნენ სასამართლოს შემზღუდველ კანონებს და ზოგ შემთხვევაში აწარმოებდნენ დევნას ცალკეული მოსამართლეების მიმართაც.

პოლიტიკური პროცესების შეფასებების კუთხით ანგარიშში განსაკუთრებით ხაზგასმულია 2020 წლის თებერვლის მოვლენები, რის დროსაც ივანიშვილის ოცნებამ უარი თქვა დაპირების შესრულებაზე, რომ საქართველო გადასულიყო სრულად პროპორციული არჩევნების სისტემაზე. ანგარიშში ნახსენებია, რომ 2020 წლის თებერვალში ქართული ოპოზიციის წარმოამდგენლებმა ბოიკოტი გამოუცხადეს საპარლამენტო ცხოვრებას, რაც ქვეყნის პოლიტიკური ცხოვრებისთვის მეტად რთული მომენტი იყო. ამ დაძაბულობის განმუხტვა მოხერხდა თვეების შემდეგ, რაც პროცესში ჩაერთნენ საერთაშორისო ორგანიზაციები და ეს ვითარება მარტის შეთანხმების მიღწევით ამოიწურა"- წერია ანგარიშში.