კორონავირუსი და მოახლოებული არჩევნები - რას გეგმავს ხელისუფლება

კორონავირუსი და მოახლოებული არჩევნები - რას გეგმავს ხელისუფლება - მდინარაძის კომენტარი

პოლიტიკა - 15:21, 05 May, 2020

619

"ქართული ოცნების" წევრი, ამუკა მდინარაძე "საერთაშორისო გამჭვირვალობა საქართველოს" განცხადების საპასუხოდ აცხადებს, რომ ხელისუფლება მზად არის, ოპოზიციის, არასამთავრობო სექტორის წარმომადგენლებთან და დარგის სპეციალისტებთან ერთად იმსჯელოს ნებისმიერ თემაზე, რომელიც ხელს შეუწყობს არჩევნების დათქმულ თარიღში ჩატარებას.

მისი თქმით, მზად არიან განიხილოს ახალი კორონავირუსის პირობებში არჩევნების პროცესის ნებისმიერი გზა.

რაც შეეხება არჩევნების ელექტრონული წესით გამართვისვას, მდინარაძის გამცხადებით ეს ვერ მოესწრება:

"ეჭვი მეპარება, რომ ჩვენ პრაქტიკულად შევძლოთ ელექტრონული წესით არჩევნების ჩატარებისთვის შესაბამისი ბაზა შეიქმნას და მოესწროს ამ მოკლე პერიოდში, მაგრამ დანარჩენი, რაც შეეხება იმას, თუ რა რეგულაციებისა და შეზღუდვების თანხლებით ჩატარდეს არჩევნები, ექიმების რეკომენდაციების სრული დაცვით, ჩვენ ამასთან დაკავშირებით ნებისმიერ მოდელთან სამსჯელოდ მზად ვართ და ღია ვართ”, - აცხადებს მმართველი პარტიის ლიდერი.

"საერთაშორისო გამჭვირვალობა - საქართველო" ხელისუფლებას მოუწოდებს, ეპიდემიოლოგების, საარჩევნო ადმინისტრაციის, პოლიტიკური პარტიებისა და საზოგადოებრივი ორგანიზაციების ჩართულობით, დაიწყოს მუშაობა ყველა შესაძლო სცენარზე, რათა არჩევნების ჯანმრთელობისთვის უსაფრთხო გარემოში ჩასატარებლად შესაბამისი ზომები განისაზღვროს.

განცხადების თანახმად, ოქტომბერში, არჩევნების დღესაც, მაღალი ალბათობით, ეპიდემიის შესაკავებლად საჭირო ყველა შეზღუდვა ვერ მოიხსნება. შესაბამისად, "საერთაშორისო გამჭვირვალობა - საქართველო" ხელისუფლებას მოუწოდებს, კონკრეტული ნაბიჯები გადადგას და ამ კუთხით არსებული ბუნდოვანება გაფანტოს.