პანდემიის გამოყენება პოლიტიკური გეგმებისთვის - "ოცნებაში" არ გამორიცხავენ, რომ საგანგებო მდგომარეობა 22 მაისის შემდეგაც გაგრძელდეს

პოლიტიკა - 13:28, 05 May, 2020

674

"ქართულ ოცნებაში" არ გამორიცხავენ, რომ საგანგებო მდგომარეობა 22 მაისის შემდეგაც გაგრძელდეს. ამის შესახებ პარლამენტის ყოფილმა თავმჯდომარემ ირაკლი კობახიძემ ისაუბრა.

კობახიძის განცხადებით, საგანგგებო მდგომარეობის ერთი თვით გაგრძელების შემთხვევაშიც ესწრება საკონსტიტუციო ცვლილებების მიღება და არჩევნების ახალი წესით ჩატარება.

"არავითარი საფრთხე არ შეექმნება, ახალი სისტემით 31 ოქტომბრის არჩევნების ჩატარებას. დრო საკმარისია ყველაფრისთვის. შესაბამისად, ჩვენ დაველოდებით მოვლენების განვითარებას. ვნახავთ, იქნება თუ არა საჭირო საგანგებო მდგომარეობის გაგრძელება. თუ არ გახდება საჭირო გახანგრძლივება, ამ შემთხვევაში, ივნისის ბოლომდე ესწრება ცვლილებების მიღება, თუ გახდა გაგრძელება საჭირო, ამ შემთხვევაში, ივლისში დასრულდება საკონსტიტუციო ცვლილებების მიღება", - ამბობს კობახიძე "რუსთავი 2"-თან.

ოპოზიციაში ამბობენ, რომ ივანიშვილის გუნდი, საგანგებო მდგომარეობის და კომენდანტის საათის გახანგრძლივებას გეგმავს და პანდემიას პოლიტიკური მიზნებისთვის იყენებს.

ხელისუფლების ოპონენტები აღნიშნავენ, რომ მმართველი გუნდი მოსახლეობას პანდემიით აშინებს.