საქართველოს მთავრობის ადმინისტრაციის უფროსმა, ნათია მეზვრიშვილმა „პირველი არხის“ ეთერში შეზრუდვების მოხსნაზე ისაუბრა.

მეზვრიშვილი აცხადებს, რომ მიმდინარეობს მსჯელობა იმაზე,თუ მომდევნო ეტაპიდან რა შეიძლება წინა ეტაპზე გადავიდეს.

მისივე თქმით, შეიძლება ღია რესტორნების ნაწილის გახსნამ გარკვეული ვადით გადმოიწიოს, სილამაზის სალონები კი უფრო მეტად რისკის შემცველია და ამაზე მსჯელობა მიმდინარეობს.

„ეპიდემიოლოგიური მდგომარეობის გათვალისწინებით, სპეციალისტების რჩევებზე დაყრდნობით ამ საკითხზე დისკუსია მიმდინარეობს. შეზღუდვების ხანგრძლივი ვადით არსებობა ჩვენი თვითმიზანი არ არის, გვესმის ეს ყველაფერი რა გავლენას ახდენს ეკონომიკაზე, ამიტომ მაქსიმალურად ვცდილობთ, რომ როგორც კი სიტუაცია ამის შესაძლებლობას მოგვცემს, შეზღუდვები გაცილებით ადრე რისკების მართვით, თანმიმდევრუდალ მოვხსნათ. შეიძლება ღია რესტორნების ნაწილის გახსნა გარკვეული ვადით გადმოიწიოს, სილამაზის სალონები უფრო მეტად რისკის შემცველია და ყველაფერზე მსჯელობა მიმდინარეობს. იქ სადაც შესაბამისი წესების დაცვის შესაძლებლობა იქნება, რა თქმა უნდა ნებისმიერ საქმიანობას განვიხილავთ“, - აღნიშნა ნათია მეზვრიშვილმა.