"ნომერ პირველი პრობლემა უკვე კორონა ვირუსთან ერთად საქართველოში არის შიმშილი"

"ნომერ პირველი პრობლემა უკვე კორონა ვირუსთან ერთად საქართველოში არის შიმშილი" - გიორგი ვაშაძე

პოლიტიკა - 16:54, 04 May, 2020

589

"ნომერ პირველი პრობლემა უკვე კორონა ვირუსთან ერთად საქართველოში არის შიმშილის პრობლემა"- ამის შესახებ "ახალი საქართველოს" ლიდერმა, გიორგი ვაშაძემ სპეციალურ პტრეზენტაციაზე განაცხადა.
მისი თქმით, მოსხლეობა ხელისუფლებამ შიმშილისთვის გაწირა:
"დიახ, მასობრივი შიმშილი გვემუქრება თუ გავაგრძელებთ იმ მიმართულებით სვლას, რომელსაც გვთავაზობს ჩვენ "ქართული ოცნება". ჩვენ გუნდთან ერთად შევისწავლეთ მთელი მსოფლიო გამოცდილება და მსოფლიოს საუკეთესო ეკონომისტებთან და ჯანდაცვის სპეციალისტებთან ერთად დღეს გთავაზობთ ალტერნატივას, რომელიც მაქსიმალურად აგვარიდებს თავიდან სამუშაო ადგილების დაკარგვას და მასობრივ შიმშილს ქვეყანაში. უკვე 45 დღეა, რაც ქვეყანაში გრძელდება საგანგებო მდგომარეობა, შესაბამისად მთლიანად ჩაკეტილია საქართველოს ეკონომიკა. საქართველო დღეში კარგავს 100 მლნ ლარს და ჯამურად ჩვენ უკვე გავღარიბდით 4,5 ლარით ანუ ფაქტობრივად საქართველო ყოველდღიურად უფრო და უფრო მეტს კარგავს, მაგრამ კიდევ უფრო ცუდია, როცა ხელისუფლების მიერ წარმოდგენილი გეგმით კიდევ 76 დღე გვექნება მსგავსი შეზღუდვები ქვეყანაში. ეს კი ნიშნავს 6 მლრდ ნახევარი ლარის დაკარგვას ქართულ ეკონომიკაში და თან ეს გეგმა საერთოდ არ ითვალისწინებს საზღვრების გახსნას. ტყუილია, რომ გვეუბნებიან საქართველო იქნება პირველი ვინც ამ შეზღუდვებს მოხსნის, რადგან ევროკავშირის წევრმა ქვეყნების უმრავლესობამ უკვე დაიწყო შეზღუდვების მოხსნა ქვეყნის შიგნით. თუ დროულად არ მოხდა კარანტინის მოხსნა, გაჭირვება იქნება ის, რაც გაცილებით მეტი ადამიანის სიკვვდილს და ჯანმრთელობის პრობლემას გამოიწვევს ქვეყანაში. დიახ, ისინი ამბობენ, რომ მსოფლიოს ემუქრება მასობრივი შიმშილი და ის ქვეყნები, ვინც დააგვიანებენ სწორ რეაგირებას ამ პროცესში ისინი განწირულები არიან შიმშილისთვის. სამწუხაროდ ჯერ-ჯერობით საქართველო ამ მდგომარეობაშია. "ქართული ოცნების" გეგმა მოგვიტანს ასობით ათასი სამუშაო ადგილის დაკარგვას და მასობრივ შიმშილს ქვეყანაში, ეს კი არის დაუშვებელი და მინდა საზოგადოებას ვთხოვო, რომ ჩვენს მიერ წარმოდგენილ ალტერნატიულ გეგმით ყველამ ერთად მოვითხოვოთ ქვეყნის სწორ გზაზე დაყენება. უნდა დავიწყოთ ე.წ. კოვიდ პასპორტის გაცემა, სახმელეთო საზღვრებზე ეს შეგვიძლია დავაორგანიზთ, ხოლო საჰაერო საზღვრებზე ეს იმ აეროპორტში უნდა მოხდეს საიდანაც მგზავრი მოფრინავს ქვეყანაში, მაგალითად ავსტრიამ გამოაცხადა, რომ ყველა მგზავრს ექნება ხელმისაწვდომობა ვენის აეროპორტში კოვიდ პასპორტთან. ოთხი ნაბიჯი, რომელიც ჩვენ უნდა გადავდგათ იმისთვის, რომ ეს გეგმა შესრულდეს: პირველი ნაბიჯი-ეს არის საქართველოს შიდა ეკონომიკის გახსნა, ეპიდ უსაფრთხოების სტანდარტების დაწესება, არა ისე, როგორც დღეს აკეთებენ რომ მე გადავწვეტ ვის გავხსნი და ვის არა, არამედ საჯაროდ უნდა დაწესდეს ეპიუსაფრთხოების სტანდარტები ყველა სექტორისთვის და აქედან გამომდინარე უნდა მოხდეს პირველი ეტაპის განხორციელება; მეორ ნაბიჯი-ეს არის 100 000 ტესტი მინიმუმ უნდა გავაკეთოთ ქვეყანაში, იმიტომ რომ ნდობა ჰქონდეს საქართველოს ეპიდუსაფრთხოებასთან დაკავშირებით, რომ საქართველო ჩაითვალოს კორონა ვირუსისგან უსაფრთხო ქვეყანად; მესამე ნაბიჯი-ეს არის ტურისტების წინასწარი ტესტირება, როცა ისინი შემოდიან ქვეყანაში ანუ აეროპორტში საიდანაც მოფრინავენ ან საზღვარზე საიდანაც შემოდიან წინასწარ იტესტებიან და მეოთხე ნაბიჯი-ეს არის საინფორმაციო კამპანია ამ თვალსაზრისით.თუ ჩვენ გვინდა მასობრივი შიმშილი ავირიდოთ, აუცილებელია რაც შიეძლება სწრაფად უნდა მოიხსნას შეზღუდვები პირველ რიგში 15 მაისისთვის ქვეყნის შიგნით, 1 ივნისს უნდა გავხსნათ სახმელეთო საზღვრები, 15 ივნისს უნდა გაიხსნას საჰაერო საზღვრები შესაბამისი ეპიდ უსაფრთხოებიდან გამომდინარე" - აცხადებს გიორგი ვაშაძე.